كشف الشاعر الغنائي بهاء الدين محمد، عن حكاية جديدة لإحدى أغانيه، وذلك في سياق حلقاته التي ينشرها عن كواليس أعماله مع مع الهضبة عمرو دياب.

وروى "محمد" حكايته مع أغنية "تنسى واحدة" التي كانت علامة مضيئة في تاريخ " الهضبة الغنائي " لما حققته من نجاح لاختلافها ، في منشور عبر حسابه الرسمي على "فيسبوك".

وقال: "كل واحد مهما عاش حكايات أوعاش حكاية مبسوط فيها وراضى بيها برضه ف خياله واحده سابت علامة ف قلبه بيفضل طول العمر فاكرها يا بخير يا ب جَرح، ومهما قابل أو عمل نَفسه ناسى بتبان عليه وخاصة لو ف حياته واحده بتحبه وعارفه ماضيه بتبقى مشاعره مكشوفه ومتشافه رغم المجهود اللى بيعمله علشان يبان ناسى، وكل حد بيقرأ الكلام ده دلوقت عارف مين هى وهى عارفه إنها هى وعارفه مين حَبها وسابتله حاجه يفتكرها بيها لحد أخر لحظه ف حياته، شبكة إتصال جبارة وغير مرئية للعين وعالم النَفس بحار كلها أسرار".

وتابع: "هو ده ملخص فكرة تنسى واحدة، ولما عمرو دياب قالى  هنصورها قولتله بلاش، ضحك وقالى أول مره أشوف شاعر مش عايز يصور أغنيته، قولتله كل واحد ف خياله واحده وكل واحده عارفه إنها ف خيال واحد ولما تتلخص الواحده دى ف بنت موديل مهما كانت جميلة وكلها إحساس ح تقلل من حالة الأغنية يعنى نسيب الأغنية تبقى كل واحده بتسمعها شايفه نفسها هى البطلة فيها، وبرضه كل واحد شايف حبيبته هى بطلة الأغنية وكده نبقى حافظنا على خصوصية الفكرة وعشان كده كل اللى بيسمعها بيعيش بيها وفيها وبيلاقى فيها حكايته اللى مش ناسيها ولا هينساها ".

وتبادل الجمهور التعليقات حول إعجابهم الشديد بها وحبهم لها لأنها بالفعل تعبر عنهم وعن ذكرياتهم وماضيهم .

"يذكر أن أغنية "تنسى واحدة"، من  ألحان عمرو دياب، وتوزيع نادر حمدي، وكلمات الشاعر بهاء الدين محمد، وطرحت ضمن أغاني البوم "ليلي نهاري"، الذي أصدره الهضبة عام 2004، وكانت أبرز أغانيه "وحشتيني، تنسى واحدة، خلينا نشوفك، ريحة الحبايب" .