ظهر الإعلامي أحمد موسى على الهواء مباشرة خلال تقديمه برنامجه «على مسئوليتي»، المذاع على شاشة قناة «صدى البلد»، وهو مرتديا الكمامة الطبية في الاستديو.

وعلق «موسى» قائلا: «أنا النهاردة مبسوط جدا، لأن الناس ملتزمة، الانضباط جميل يا جماعة، شوفتوا كنت بصوت الأيام اللي فاتت علشان نوصل للموقف اللي احنا شوفناه اليوم، النهاردة ما في حد تقريبا مش لابس كمامة، هو كان لازم تتحط الـ50 جنيه عشان الناس تطبق القانون، اللي راكب الميكروباص لابس الكمامة، واللي راكب عربيته الخاصة لابسها برضه».

وأكد أن رجال وزارة الداخلية اليوم عملوا كمائن للتفتيش على ارتداء الكمامات في المواصلات العامة، والخاصة، والشوارع الرئيسية، وفرضوا غرامات على غير الملتزمين، متابعا: «الكمامة هي السلامة لكل مواطن، ومصر اليوم متغيرة».