تصدر اسم الفنانة نيللي تريند مؤشرات البحث "جوجل"، بعد ظهورها بالأمس في برنامج "مساء دي إم سي" الذي يقدمة الإعلامي رامي رضوان، ويذاع على شاشة قناة "دي إم سي".

ونستعرض لكم أبرز تصريحات الفنانة نيللي في البرنامج بعد تصدرها التريند. 

تحدثت نيللي عن فترة تقديمها الفوازير قائلة: "أحلى أيام عمري وحياتي"، على الرغم من أنها لم تكن تستطيع النوم جيداً أكثر من ربع ساعة في اليوم ألا أنها وصفت تلك الأيام قائلة: "لو الناس تعرف أنا كنت بعمل إيه عشان الخدعة تطلع بطريقة كنت بقعد ب 8 ساعات قدام الكاميرا وناس تمشي وناس تقعد وأنا قاعدة بيظبطوا عليا الكروما عشان 15 ثانية في الآخر، بس كانت فترة على قلبي أحلى من العسل".

وأوضحت سبب غيابها عن الساحة الفنية قائلة: " في مثل عندنا بيقول يا بخت من زار وخفف، أنا دايما أقول كده، أنا عايزة ابقى خفيفة أوي، الفن في عروقي أنا مولودة نزلت على طول في البلاتوه ومثلت وأنا عندي 3 سنين، بس كفاية وقدمت حاجات أنا معتزة بيها".

وبسؤالها عن من يصلح لتقديم فوازير رمضان، قالت نيللي : "دنيا سمير غانم لله طبعا، أنا حقيقي الوحيدة اللي أشوفها تقدر تعمل الفوازير، أنا بقولك كده وجسمي بيقشعر، دي حبيبتي".

وأكدت نيللي أن فيلم " العذاب امرأة" من أقرب الأعمال إلى قلبها، والمفضل لديها حيث قالت: " هو المفضل على الإطلاق".

وتابعت: " عملت دور ميليقش عليا وأنا اللى اخترته ودخلته بتحدي لدرجة أن محمود ياسين استعجب من اختياري للدور، لأن الشخصية كانت شريرة وهو كان عايزين أعمل شخصية تانية، ولكن يقال أنى عملته كويس، وطول الفيلم مكنتش بتكلم مع محمود ياسين لأنه كان واخد موقف أنى بعمل الدور ده وفي الآخر اتصالحنا بقى".