نشر الفنان مصطفي درويش  عبر صفحته الشخصية علي "الفيس بوك" منشورا ينفي فيه عدم تكفل نقابة المهن التمثيلية لعلاج الفنان شريف الدسوقي بعد بتر ساقه.

وكتب مصطفي درويش معلقا على منشوره قائلا: "لا حول ولا قوه إلا بالله، اللي حصل لشريف دسوقي ده حرام.. حسبي الله ونعم الوكيل في اللي كان السبب، لو كان حد وقف من النقابة واتحرك قبل ما يتعمل فيه الكارثة دي، كان اتلحق، بس للأسف النقابه قالت لبدرية طلبة لما استنجدت بيهم، أصله مش عضو، فمش هينفع نساعده من النقابة، بس هنبقي نبعتلك مساعدة شخصية، طبعا كتر خيركم وده قانون وعلى راسنا".

وتابع : "بس طاب كنتم روحوا هاتوه وقولوا لينا ما كل المنتجين والممثلين معاهم فلوس يا جدعان، وكله يساعده، ومحدش هيتأخر، حتى كنا شوفنا حل قبل ما تحصل فيه الكارثة دي ويقطعو رجله، ويترمي في مستشفى أقل ما يقال عنها أنها تحت السلم، بجد اللي حصل ده حرام".

واستكمل: "حقك عليا يا شريف سامحني، والله ما كنت اعرف انك في الحالة دي، حقك عليا والله، وقدام الجميع اهو والله ما هسيبك لحد ما أموت، إنت مسئول مني مسئولية كاملة، حقك عليا وحقك علينا كلنا، الاستاذ جمال العدل اتكفل بمصاريف المستشفي والعلاج والعصابة كلها متكفله بكل حاجة، والاستاذه كاملة جابتله طرف صناعي من أحسن شركة للأطراف الصناعيه، شكر لبدرية طلبة.. انتي بميت راجل انتي وناس اسكندريه" .

وأضاف: " تعديل.. دكتور اشرف ذكى تواصل معايا وفهمني الموقف، وانا متفق معاه جدا، والنقابه متكفله بمصاريف المستشفي" .

وفي سياق متصل طمأن الفنان شريف دسوقي جمهوره، من خلال منشور عبر حسابه الشخصي علي "فيس بوك"،  قائلًا: "قدر الله وما شاء فعل.. الحمد لله على كل شيء".