نشرت دينا حشيش، رئيسة تحرير صفحة "راحة بالي" الإنجليزية، التي تعتبر أكبر منصة لدعم الأمهات على فيسبوك، منشورًا تداوله عدد من النشطاء على موقع التواصل الاجتماعي، تتحدث فيه عن تعرّض فتاة من فريق العمل معها لموقف يمكن وصفه بـ"العنصرية"، حيث تم طردها من كافيه في التجمع الخامس لأنها ترتدي عباءة.
وقالت دينا في المنشور :" الواحد كان فاكر ان لسه شهر على خناقة البوركيني والتشنج الطبقي بس أنا افتتحت الموسم بأول قصة، أنا وفريق الشغل قررنا نعمل ميتينج مهم في التجمع في كافيه الصبح، حد اقترح Hookah هو كافيه شيشة بسيط بس محدث في شارع التسعين ومكلفين التشطيب ومزودين الأبانوس وعاملين ڤاليه فكروني بالمحجوب أو blaze أول ما فتح. وبدأنا الميتينج وكنا ٥ بنات كل واحدة فينا شكل.. البلوند، أنا، محجبات بأشكال مختلفة، مجموعة diverse زي إعلانات Benetton. احنا تيم كونتنت بنكتب لـ١.٧ مليون فولوور وأحلى حاجة فينا إختلافنا لأن بنوصل لكل متابعينا مهما كانت خلفيتهم."
وأضافت :"وبعد ساعتين جت أخر بنت بدموع في عنيها من الإحراج وبتقولنا مش هقدر أحضر الاجتماع مش عايزيني هنا علشان لابسه عباية!!! ودي مش أي واحدة في فريق الكونتنت، أنا بقولها أنا هتبناكي من كتر حبي وإعجابي بيها".
وتابعت :" رحت للمدير قولتله عيب عليك إحنا في ٢٠٢١ وقدمت قوي حوارات الخوف من الإختلاف و برضو مش هناقشك إن لك دريس كود، حقك ولكن أنا مديريتهم وجايباهم ومتكسفنيش قدامهم إحنا ساعة وماشيين. ولازم السينس انت شايف ناس محترمة فعادي المكان فاضي أصلًا، يقولي في كاميرات والمدير هيلومني ومش مسموح بعباية ولا نقاب ولا شبشب، أنا عمري في حياااااتي ما اتطردت من مكان ويوم ما يحصل يبقى في قهوة وأنا أصلا ما بشيش، وجريوا ورانا في الشارع علشان ندفع تمن الاكل اللي ملحقناش ناكله وكامل زي ما هو وقولناله خلي مديرك يدفعه بعد المهانة دي".
واختتمنت :"كلنا وقفنا مع صاحبتنا وساندنا إختيارها في لبسها و مشينا ورحنا Casper &Gambinis اللي هو أشيك وأنضف وأغلى ولا إنسان بصلنا. ده Sachi و Crimson بشوف فيهم محجبات.. مش عايزة أفاجئ hookah بس انتم بتوع شيشة مش بار ولا club فمشكلتك مع اللبس غير مفهومة ودي أخرت الإحداث. أتمنى من مدير Hookah إن تشوفوا دكتور ممكن يساعدكم في حل مشاكلكم النفسية، العلاج النفسي مش عيب ده بينور وبيساعدنا نتقبل، والسخرية أنهم مشغلين قرآن في المكان".
وتفاعل مع المنشور عدد كبير من المتابعين الذين أشاروا إلى الصفحة الرسمية لرئاسة الوزراء، وطالبوا باتخاذ الإجراءات القانونية ضد الكافبيه الذي يطرد المنقبات والذين يرتدون العباءات.
