كشفت الكاتبة والإعلامية ياسمين الخطيب عن تعرّضها للتحرش من بعض أصدقائها، ومنهم شخص مهتم بمناهضة التحرش.

وقالت ياسمين عبر صفحتها على موقع التواصل الاجتماعي فيس بوك: "فيه نوع مقزز من التحرش ماحدش بيجيب سيرته، رغم إنه منتشر جداً، وقديم مش مُستحدث يعني! لما راجل محترم ينتهز لحظات التصوير في أي مناسبة (فرح.. عزومة.. إلخ) عشان يحط إيده على وسطي أو يلزق فيا، بحجة إننا بنتصور!".

وأضافت: "أنا بستغرب جداً الراجل اللي بيعمل كده (أغلبهم أصدقاء)، مش عارفة يعني هي اللمسة الخاطفة دي هاتحقق له إيه؟! عادة بقابل التصرف العبيط المقرف ده بالانسحاب من الكادر، بعد النظر للفاعل شذراً، وبتكون نهاية علاقتي به مهما بلغت درجة صداقته!".

وواصلت الخطيب: "مرة دُعيت للتحدث في ندوة ما، فالأخ منظم الندوة (وهو صديق على درجة مرموقة من الوعي والثقافة) انتهز زحمة التصوير في نهاية الحدث عشان يحتك بجسمي، ويحط إيده على وسطي أثناء التصوير! أنا ماعملتش أي رد فعل من فرط ذهولي.. لأن الندوة إللي سيادته منظمها كانت بتناقش ظاهرة التحرش".