أثار الفيديو الذي نشرته لمياء، شقيقة رجل الأعمال محمد حلاوة، حالة من الجدل على مواقع التواصل الاجتماعي، بعدما هاجمت طليقة شقيقها، الفنانة ياسمين عبد العزيز، عقب مجموعة من الرسائل الغامضة، فُهم منها أنها تهاجم الفنانة ريهام حجاج، والإعلامية بوسي شلبي.

وخلال الفيديو قالت لمياء حلاوة: "أنا اسمي لمياء حلاوة، أخت محمد حلاوة.. شوفت برنامج ريهام صاحبتي وأختي ومرات أخويا، وقالت كلام محترم جدا، بس إللي ضايقني وأزعجني، كلام على حاجة عائلية.. إحنا بقالنا 3 سنين بنتهاجم وبيتقال علينا كلام غلط ومبنردش، عشان خاطر مصلحة ولادنا، ودا اللي اتعلمناه بس الظاهر إن فيه ناس تانية مش فارق معاها الكلام دا".

وأضافت: "إحنا خلاص خرجناكي من حياتنا، وقفلنا صفحتك، ومبنفتكركيش، عايزينك إنتي كمان تركزي في صفحتك، وتبقي سعيدة لأن إحنا بقينا سعداء، واحنا بعيد عنك.. يا رب الكلام دا يوصلك، لأن غير كدا أظن إنك هتبوظي صفحتك الجديدة".

وبعد نشر الفيديو، أخذ الكثير من رواد مواقع التواصل الاجتماعي، موقف المدافع عن ياسمين عبد العزيز، متهمين شقيقة حلاوة بالغيرة منها، حيث قال أحد المستخدمين: "يا نهار ابيض تصريحك دا أثبت عليكم حرابيق"، وأضاف آخر: "تصدقي وصفها صح فعلًا، وأحسنت اختيار اللفظ، وربنا عوضها خير بعيد عنكم"، كما قال ثالث: "طريقتك فعلا وضحت أن انتوا ياسمين حرقة دمكم بجد، وحقيقي مش قادرين تشوفها في منتهي سعادة، ومش مكسورة، صور أخوكي مع ريهام بتقول ان ريهام بتبذل مجهود عشان يبانوا سعدا علي عكس صور ياسيمن طبيعة وكلها مودة"، وعلّق آخر :" ده ربنا نجدها ان بعدت عن وشوشكم العكره دى".