سادت حالة من الغضب بين رواد موقع التواصل الاجتماعي فيسبوك، بسبب انتشار "تريند سليم ومنى"، والذي يتحدث عن انتشار صور ساخرة مستوحاة من مقابلة قدمها طفلي مسلسل "ليه لأ"، سليم مصطفى ومنى أحمد زاهر.

واعتبر رواد فيسبوك، أن استغلال براءة الأطفال في التريند من أجل الحصول على صور ساخرة، هو أمر يضر طفولتهم وينعكس عليهما بالسلب.

وقال أحد المستخدمين :"كل من هب ودب شغال هبد على تريند منى وسليم"، وأضاف آخر :"والنبي بلاش فلسفه هي ليها تفكير وهو ليه تفكير مختلف عنها التريند لا بيقلل منه ولا حد ليه حقق يقلل من تفكير الطفله او يغلط كل واحد فيهم مختلف مش اكتر والتريند مجرد هزار ، يومين وهيظهر تريند جديد"، وتابع ثالث :"أنا شايف إن تريند منى وسليم ده أسخف ترند ظهر ".

وعلقت إحدى المستخدمات بقولها :"تخيلوا إن طفل علشان بسيط في طلباته وأحلامه وطموحاته العالم كله يشوفه قليل الولد فعلاً مش مغرور ولا متكبر ولا شايف نفسه ل درجة إنه جاوب علي سؤال نفسك تسافر فين قالهم بورسعيد اللي هيا بلده أصلا تخيلوا ده لما يكبر هيبقي قلبه جميل إزاي أنا مستغرب من أي حد شايفه أقل من البت دي ف حاجة المذيع كان مستغرب من معلوماته اللي هوا ازااي طفل صغير كدا وعاارف المعلومات دي  بجد طفل قلبه نضييف جداا".

وواصلت أخرى :"تريند منى وسليم ده سخيف واتمنى الولد النقي الجميل ده ميشوفهوش ولا يسمع عنه حتى"، وواصلت غيرها :"هو تريند سليم ومني لذيذ وكل حاجة بس اتمني أنه ميكنش بيأثر عليهم باي حاجة سلبية لما يشوفوا الكلام لأنهم اطفال محصلوش حتي 8 سنين".

وتحدثت إحدى المتابعات :"معلش بس انا مش شايفه ان في داعي للضحك والقلش علي التريند البايخ لطفلين ، كان مجرد حوار لطيف ظريف معاهم وسليم قال كذا ومني قالت كذا بس الواضح انهم مختلفين في الطبقات وده شئ عادي جدا ميستحقش اصلا الهزار والقلش السخيف ده ، انت ك شخص واخد الحوار لطيف وبتهرج وبتحط وتقلل من كلام طفل زي سليم في سنه علشان بسيط معلش بس هل كده انت روش وتاخد ارقامنا بقا بتقل دمك؟ مع احترامي ليهم هما الاتنين بس الصح انه تريند بايخ واي حد ساعد في نشره ف هو شخص بايخ زياده".