تداول نشطاء موقع التواصل الاجتماعي فيس بوك، منشورا كوميديا يتضمن السؤال عن آراء الناس بشأن أغرب أسباب الإنفصال او بالمصطلح العامي «فشكلة الجوازات»، حيث تداول أحد الرواد قائلاً (الجوازة باظت عشان أيه ؟ احكولنا اغرب سبب سمعتوه )

وتفاعل العديد من نشطاء الفيس بوك على المنشور وهم بالفعل يحكون التفاصيل وأغرب اسباب الإنفصال وسيطر الجانب الكوميدي على المنشور حيث قال أحدهم "دلقت القهوه ع حجر ماما وهوب الخناقه قامت " والآخرى علقت " علشان كانت رياضته المفضلة الجرى ورا النسوان" وعلق آخر على موضوع المؤهلات الدراسية في الزواج قائلاً " شوية دبلوم تجاره وشوية بكالوريس تجاره محدش فاهم حاجه لدرجة انا نسيت انا معايا شهادة ايه ".

واتبع القول لفتاة قالت "معندوش شخصية وابن امه" وتوالت التعليقات وأغرب المواقف فقالت ناشطة "باظت علشان نص كيلو سمنه " و ناشطة علقت قائلة  "عشان العروسه جايبه تلاجه كريازي وام العريس عايزاها توشيبا عملت خناقة ورجعوا بالفرش تاني " وسخر الآخر من أحزانه قائلاً "صاحبتها مكنتش راضية " وقالت ناشطة آخري "عشان مبعتتش لامه صور فوانيس عالواتس فرمضان "

وسيطر الجزء الأكبر في التعليقات جملة  "الحمد لله ربنا عوضني بالاحسن من اللي كنت بتمناه" فسخر بعض الرواد حيث تكرر التعليق بشكل كبير فقال أحد منهم "هو انتوا بتاخدوا الكومنت ده كوبي (الحمد لله ربنا عوضني بالاحسن من اللي كنت بتمناه) " وقال الآخر " ده بقي بوست عوض بالأحسن بقى "