أثارت صورة تظهر فيه دمية على شكل عروسة، حالة من الذعر بين مستخدمي موقع التواصل الاجتماعي فيسبوك، بسبب سرد مجموعة من القصص المرعبة التي تحبس الأنفاس.
ونشرت إحدى السيدات صورة لعروسة لعبة وعلقت عليها: "جماعة العروسة دي ابني بيقعد يتكلم معاها بالساعات ومن شوية بقوله انت بتعمل ايه قالي دة عمو".
وتسببت الصورة في إثارة الرعب بين رواد التواصل الإجتماعي بالخوف بعد انتشار أفلام الرعب عن نفس القصة فعلقت ناشطة قائله :" اول ماشوفت العروسه جسمي كله قشعر ارميها فوراااا"، وعلقت أخرى بموقف "العروسه دي بالذات عندي اختها وفعلا كان فيها حاجه مش مظبوطه اقسم بالله قومت من النوم مره لقيتها محطوطه ع وشي وقبل ما انام اصلا كنت حطاها ف مكان بعيد عني ومكنش حد معايا اساسا من ساعتها وانا لفاها بكيس وشيلاها ف الدولاب وقافله عليها " وفي تعليق آخر "مش اول مره حد ينزل نفس العروسه ويقول عليه كده " وناشط آخر يحكي تجربتة مع (العرايس اللعبة ) قائلاً : "بنت اختي جتلي مرعوبه وخايفه بتعيط وتقول العروسه فتحت عنيها وبصتلي جامد جريت ومسكت العروسه كانت مكسورة اصلا البنت كان سنها اربع سنين"
وانقست التعليقات الي قسمين قسم ينصح الأم بإلقاء الدمية خارج المنزل والقسم الآخر بإنه أمر طبيعي في سن الطفل حيث علقت ناشطة بخصوص ذلك الأمر قائله: "لو هو 8 سنين او اصغر ف ده أمر طبيعي جداً بل ويدل على ذكاء الطفل وقدرته على التخيل وخلق حوار مشترك مع من حوله عشان مخ الطفل مبيقدرش يفصل بين الحقيقه والخيال ف حاولي تخليه يرسم الا بيشوفه أو بيتخيله ومن الرسمه هتقدري تفهمي صفات الشخصيه دي الا ممكن يكون جابها من قصه أو فيلم مثلا وخليه يتكلم عن نفسه ويعبر عن انفعالاته وخليه يشترك في جلسات السمر والنشاطات التربويه " واتفقت معاها ناشطة آخري وقالت :" عادي خياله واسع مفيش مشكلة وطول عمرنا عندنا عرايس بنلعب بيها ونكلمها وننيمها جنبنا إيه المشكلة ؟ مفبش حاجة في الشرع تمنع خالص وكله خيال أفلام .. معظم الولاد بتكلم اللعب عادي على اساس ان خيالهم واسع وبس ".
