نشر الفنان سعد الصغير من خلال صفحته الرسمية على فيس بوك لقاء جبر الخواطر الذي حدث بينه وبين طفلين على كورنيش إسكندرية وبالأخص كورنيش ميامي، وهو لقاء حدث بالصدفة من خلال بث مباشر كان يقوم به سعد الصغير لعرض كيفية قضاء يومه بالإسكندرية ليلقي به القدر أمام الطفلين لينقذهما من تشرد الشوارع بعد طرد أمهما لهما من البيت بسبب زوجها.
وكشف الصغير عن سبب متابعة نشر البث أثناء حديثه مع الطفلين أنه ليس لغرض الشو، حاجة إنما لوجه الله وكتب قائلا " والله يا جماعة مش بتاع شو أنا أو أي حاجة، الواحد بيعمل علشان خاطر ربنا مش أكتر والواحد ربنا يكرمه بس يا ريت لو مش قد العيال بلاش تجيبوهم أحسن.. ليه تعمل في طفل كدا ولسه ماشفش الدنيا ربنا بيرحم بس يا ريت أي حد يشوف حالات زي دي يبعتلي على الصفحة وربنا يكرم إن شاء الله".
وتابع: "هتساعد هتنجح ربنا هايكرمك.. وطول ما أنت مع ربنا ماتشغلش بالك بحد.. ربنا يكرمنا ويكرمكم جميعا " .
وكان قد نشر سعد الصغير خلال البث قصة الطفلين وسبب نومهما في الشوارع وتحديدا بعدما تخلت أمهما عنهما من أجل زوجها واتضح أن الطفلين هما «يحيى، ومحمد» شقيقين اضطرا للنوم في الشوارع بعدما طرتهما والدتهما نزولا على رغبة زوجها، كما رفض والدهما استقبالهما بعدما تزوج هو الآخر.
وقد وجه الطفل محمد رسالة لوالدته، قائلا، «ماتبيعنيش لواحد».
واعترض يحيى على فكرة معاتبة والدته أو الرجوع لها، قائلا «مش عايزين نرجع لها عشان جوزها رخم وعايز يشغلنا في الفلوس المزورة».
وروى يحيى، قسوة معاملة والده لهما، قائلا «أبويا لما روحنا نعيش معاه رغم إنه متجوز خرجنا من المدارس ونزلنا نشتغل وكان بياخد نص الفلوس ويضربنا ومرات أبويا دي ست عايزة الحرق بجد عشان هي السبب.. أنا عندي أخت من أبويا طفلة بتتكلم إنجليزي وأنا خرجوني من المدارس في 6 ابتدائي بالعافية " .
وقام سعد الصغير بالتقرب والتعرف على الأطفال أكثر وأكثر وقام بتلبية أمنيتهم قبل أن يودع جمهوره قائلا «سلام.. إحنا كلنا هننزل المياه».
ووجه سعد الصغير كلمة لوالدتهما: "خلاص.. دول بقوا زي محمد سعد الصغير ابني وبقوا عيالي وماتقلقيش عليهم تاني.. بس يا أم يحيى ولادك نايمين في الشارع اسألي عليهم" .
