تصدّر هاشتاج "خسيت عشان" قائمة اهتمامات رواد موقع التواصل الاجتماعي فيسبوك خلال الساعات الماضية، وخلاله تم عرض العددي من نماذج الأشخاص الذين نجحوا في فقدان الوزن والتخلص من السمنة، من اجل تشجيع غيرهم على الوصول إلى الوزن المثالي.
وشرح المشاركون في الهاشتاج تجاربهم وأهم الصعوبات التي مروا بها في رحلة فقدان الوزن، وكشف بعضهم أنه تعرض للتنمر بسبب الوزن الزائد ما دفعه إلى اتخاذ قرار بالحصول على قوام مثالي، فيما كشف آخرون أنهم تعرضوا للعديد من المشاكل الصحية بسبب الوزن الزائد.
وفقالت أحد نشطاء الفيس بوك وهي سعيدة بإنجازها والتجربه الذي خاضتها قائلة : "خسيت عشان كان فايتنى حاجات كتيره ولبس كتير هموت والبسه وعشان صحتى وركبتى كان فاضلها شويه وتطلع تهزقنى من ١٠٩ ل ٥٩ كيلو الحمد لله " والآخرى علقت قائلة : خسيت عشان خسيت عشان اثبت لنفسي قبل المجتمع أن الجواز والخلفه مش عائق ان أكون مهتمه بصحتي ورشاقتي وان لو فهمنا طبيعه الجسم هنفهم أن بعد الولاده اول ست شهور تقدري توصلي للوزن اللي انتي عوزاه قبل مايثبت انا ٣٤ سنه ام ليوسف ١٢ سنه وادم ٩ سنين ووزني ومواظبه علي الجيم واليوجا لو الإنسان قرر أنه هيوصل لهدفه مافيش حاجه في الدنيا هتمنعه".
وأضافت ناشطة أخرى : "خسيت عشان صحتى قبل كل حاجه وخسيت عشان انا مدربه لازم اكون قدوه وخسيت عشان انا فاهمه كويس خطر السمنه ع الجسم وخسيت عشان بحب اولادى يشوفو مامتهم قويه ملحوظه الصوره اللى ع الشمال بعد ولاده ابنى التانى ب ٤٠ يوم بالضبط " والأخير علق قائلاً : "خسيت عشان نفسي عشان حياتي تكون افضل واحسن ومينفعش اكون شاب و يكون كرشي مدلدل مترين انا كنت 105 كيلوا ونزلت بالدايت والرياضه في شهرين الي 82 كيلوا وزدت عضلات الحمدلله اه لسه موصلتش للنتيجه اللي انا عاوزها بس انا وصلت لمرحلة كبيره اوي وفاضل علي الحلو تكا نصيحه لكل حد عاوز يخس العزيمة والإرادة اللي جواك هما الواحدين اللي هيوصلوك للنتيجه اللي انت عاوزها وحط هدفك قدام عينيك واتعب شويه عشان مفيش نتيجة من غير مجهود وتعب اتمنالكم حياة افضل"