كشف إسلام وهيب مؤسس مبادرة اعرف بلدك لإحياء تاريخ مصر مفاجأة بشأن عن الرسمة الموجودة على (سجائر كليوباترا ) حيث كشف عن معلومة غريبة وهي أن رسمة الملكة الموجودة على السجائر هي الملكة نفرتاري زوجة رمسيس الثاني وليست الملكة كليوباترا.
وقال وهيب عبر صفحته على فيسبوك :"هو أنا مش عارف اجبهالكم ازاي الحقيقة لأن ده موضوع عقائدي من زمن طويل من يوم ما سجائر كيلوبترا اتعملت وهي محتفظة بالأسم وبشكل الرسمة اللي عليها دي واللي تعتبر لوجو الشركة واللي هي الملكة كليوبترا ملكة مصر في عصر البطالمة أو بمعنى أصح أخر ملوك الأسرة المقدونية، والحقيقة بقي أن اللوجو اللي ع السجائر دي الملكة نفرتاري زوجة رمسيس الثاني مش كليوبترا أصلا".
وأثار المنشور حالة من الجدل بين رواد للتواصل الإجتماعي، حيث علق أحدهم قائلاً : " ٢٢ سنه بشرب سجاير وأول مرة أعرف المعلومة دى شكرا يا وزير" والأخر علق قائلاً "كمان يعنى شربناها غلط وجاى تقول المعلومه بعد ما بطلت خلاص نرجع نشرب سجاير نفرتارى" والأخير يعلق "راحت فلوسك و صحتك علي صورة مغشوشة".
الجدير بالذكر أن إسلام وهيب هو مؤلف وكاتب وأعماله هي "روايه الجراد الأصفر ، أحفاد الشر ، تفويض بالقتل "
