تداول رواد موقع التواصل الاجتماعي فيس بوك صورة مؤثرة لامرأة مسنة مصاية بالزهايمر تسكن في إحدى مساكن الطالبية فوق سطح منزل بسيط بجانب مراعاتها لابنها المريض بعد تخلي زوجتة عنه عقب إصابته بجلطة، وهي القصة التي تسبب في حالة من التعاطف بين المتابعين الذين طالبوا بتدشين حملة تبرعات لمراعاة السيدة.
وقال ناشر الصورة في تعليقه عليها :"شايفين الست دي والراجل ده دول اغلب ناس علي وجه الارض ومحتاجين فعلا المساعده الست دي عندها ٣ بنات متجوزين وولد واحد الست دي عايشه علي معاش ٤٥٠ جنيه بس بتوع تكافل وكرامه وعندها ٨٠ سنه ومريضة زهايمر كانت عايشه عند احد بناتها لكن طبعا ظروف اجواز بناتها خليتها تاخد غرف في احد السطوح بالطالبيه".
وأضاف :"واللي يوجع اكتر ان ابنها اللي الي السرير ده كبير في السن واصابه جلطه وزوجته تخلت عنه وبقت الام هي اللي بترعاه المكان بتاعهم صعب وعيشتهم اصعب واصعب الجيران بيساعدوهم علي قد مابيقدروا بس انتوا هتساعدوهم وانا عارف ومتأكد ولو حتي بمشاركة قصتهم عنوانهم تفصيلي في شارع جماع الانوار من سعد أمام الطالبيه هرم رقم المنزل ٢٢ الحاجه زهرة وكتر خيركم جميعا ".
وأثارت قصة السيدة تعاطفا كبيرا بين رواد السوشيال ميديا الذين طالبوا بمراعاتها ومساعدتها من خلال حملة تبرعات يتم تدشينها من أجل تحسين أوضاعها.
