نفى لاعب فريق طنطا المعار من النادي الأهلي، مصطفى الفرماوي الهجوم المدير الفني للفريق، على خالد عيد.
وقال الفرماوى عبر صفحته الرسمية على موقع التواصل الاجتماعي «فيسبوك»: "مندهش جدًا من إثارة الإشاعات حولي خلال الفترة الماضية، أنا ما اعرفش أي حاجة عن الكلام دة، وما ينفعش اللي بيحصل من إمبارح، عمري ما اقدر اكتب حاجة زي دي، الكابتن خالد عيد مدرب محترم جدًا و زي أبويا وانا بحترمه جدًا، والأستاذ فايز عرابي راجل محترم وما اقدرش أقول على حد فيهم حاجة، مستغرب جدا الكلام اللي اتقال ده جه منين".
وتابع: «كل نشر أكاذيب عبر صفحة على "فيسبوك"، انا متربي بقالي 11 سنة في الأهلي، وعارف يعنى المبادئ والالتزام ويا ريت قبل ما حد يطلع يتكلم، يراعي ربنا في كلامه مش أي كلام وخلاص، غير لما يتأكد من المعلومة بتاعته، عشان الهجوم الغير طبيعي اللي حصل من إمبارح ده، وانا علاقتي كويسة جدًا مع الناس في طنطا، وربنا يهدي اللي طلع إشاعه زي دي".
وأوضح اللاعب أن حسابه تعرض للسرقة أمس.
ونُشِر أمس عبر صفحة اللاعب، هجومًا حادًا على خالد عيد المدير الفني لطنطا، وهو ما نفاه الفرماوى اليوم.