حصلت بوابة دار الهلال على نص التحقيقات مع الممرض عادل سالم، في واقعة قيام طبيب وآخرين بالتنمر عليه، وإجباره على السجود لكلب في الواقعة المعروفة إعلاميا ب، "اسجد لكلبي".
وكان المستشار حمادة الصاوي النائب العام أحال 3 متهمين للمحاكمة الجنائية؛ لاتهامهم بالتنمر على ممرض بالقول واستعراض القوة والسيطرة عليه؛ إذ أمروه بالسجود لحيوان يملكه طبيب من المتهمين مستغلين ضعفه وسلطتهم عليه بقصد تخويفه ووضعه موضعَ السخرية والحطّ من شأنه، واعتدائهم بذلك على المبادئ والقِيَم الأسرية في المجتمع المصري، وانتهاكهم حرمة حياة المجني عليه الخاصة، ونشرهم عن طريق الشبكة المعلوماتية تصويرًا لواقعة التنمر، مما انتهك خصوصية المجني عليه دون رضاه، واستخدامهم حسابًا خاصًّا على أحد مواقع التواصل الاجتماعي بهدف ارتكاب تلك الجرائم.وجاء نص تحقيقات النيابة علي النحو التالي:
س . هل قمت بالاطلاع على المقطع المرئي سالف الذكر؟
ج . أيوه
س. ومن هم أطراف ذلك المقطع سالف البيان؟
الفيديو اللي اتعرض دلوقتي ثابت فيه انا وكنت لابس بدلة تمريض زرقاء وظاهر فيه المدعو/ عمرو رفعت وكان لابس قميص ازرق وده سكرتير العياده وظاهر في آخر المقطع دكتور معتز مسعد و هو كان لابس بلطو ابيض ودكتور عمرو هو الي كان بيوجهلي الكلام والإساءات الي في الفيديو.
س. وأين ثم تصوير ذلك المقطع المرئ؟
ج. الفيديو تم تصويره في مستشفى النزهة الدولي في عيادة العظام بالدور الأرضي.
س. أين تقع مستشفى النزهة الدولي؟
ج. مستشفي النزهة الدولي مقرها في مساكن شيراتون متفرع من ش سيد زكريا مصر الجديدة دائرة قسم النزهة.
س. وما تعليلك فيما ذكر بعنوان المقطع الذي تم عرضه عليك؟
ج. أظن علشان الدكتور عمرو رئيس قسم العظام بكلية طب جامعة عين شمس اتكتب كده لكن الواقعة حصلت في مستشفى النزهة.
س. وما هي الآله التي استخدمت في تصوير ذلك المقطع الذي تم عرضه عليك؟
ج . موبايل
س. وما هي ظروف وملابسات المقطع المصور المعروض عليك؟
ج. هو أولا كنت في الفترة دي شغال في عبادة العظام والشيفت الي اتصور فيه الفيديو ده كان الشيقت بتاع الدكتور عمرو خيري وهو استشاري عظام وكان قبلها كنت لاقيت الدكتور عمرو حزين بصورة مبالغ فيها فسالته وعرفت منه انه كان بيربي كلب والكلب ده توفي وانه اشتري واحد جديد بحوالي عشرين الف جنيه فانا اخدت منه الكلام وكنت بدردش مع دكتور معاية في المستشفى اسمه معتز على قبيل الدعابه وقلت ان المبلغ ده كبير على كلب ميستهلش وان الإنسان اولي بالفلوس ديه وانا لو اخدته البلد عندي الفلج وديه القرية الي انا منها الكلاب الي يتقف على الترعة هتقطعه ومكنتش اعرف ان الكلام ده هيوصل لدكتور عمرو وهيزعله و في اليوم الي اتصور فيه الفيديو بعد ما الحالات خلصت دخل الدكتور معتز لدكتور عمرو وقفلوا عليهم وكان معاهم السكرتير عمرو رفعت وبعدها لقيت الدكتور معتز بينده عليا وبيقولي كلم دكتور عمرو فدخلت اشوف فيه ايه لقبت الدكتور معتز قفل الباب عليه من جوا وفضل واقف على الباب وابتدي الدكتور عمرو يعاتبني علي الكلام الي وصله وبيطلب مني الأفعال الي ظهرت في الفيديو.
س. وما الذي دعاك إلى تلك الأستجابه؟
ج. لأن الدكتور طلب مني ده والدكتور معتز مدير الطوارئ وانا كنت خايف علي أكل عيشي فقلت مفبهاش حاجه لو نفذت الحاجات الي بيطلبوها مني خوصا اني مكنت اعرف انهم بيصوروا.
