تفاعل عدد كبير من رواد مواقع التواصل الاجتماعي، مع مبادرة «متجهزيش يا عروسة»، والتي أطلقتها مجموعة من السيدات، وتدعو إلى إعفاء الفتيات من شراء الجهاز المنزلي وقت الزواج، خوفًا من عدم حصولهن عليه في حال طلب الخلع أو شرط الزوج إجراء الطلاق على الإبراء.
وأثارت المبادرة جدلًا واسعًا بين السيدات والرجال على السوشيال ميديا، وتباينت الآراء بين مؤيد للفكرة ومعارض لها.
ومن التعليقات التي جاءت ردًا على المبادرة :" خلاص و العريس كمان ميجهزش نفسه والاتنين يتجوزو على حجات بسيطه والاتنين يكبروا البيت ويملوه مع بعض ويخلوها حاجه كده جنه لو عندنا الثقافة دي مفيش راجل او ست هيبصو لسلبيات الجواز لانهم تعبو عشان يبنو البيت ده فمش هيهدوه بسهوله في حجات كتير بينهم اقوى من اي مشكلة ممكن تتحل بهدوء"، وكذلك :" شرعا هو ده الصح و العريس يجهز اللي يقدر عليه في حدود امكانياته"، وأيضًا :" خلاص لما العريس يجيب للعروسه حلتين ومعلقتين بلاستيك متبقاش تزعل عشان هو مش نجيب ساويرس انه يشيل كل حاجه لوحده".
وقالت منى حافظ، مؤسسة المبادرة، إنها تلقت الكثير من شكاوى النساء اللاتي يعانين من عنف الأزواج والخيانة الزوجية وغيرها من الأضرار التي من شأنها أن تجعلهن يطالبن الأزواج بالخلع وهو ما يستغله بعض الرجال لكي تفقد الزوجة حقوقها ولا تحصل على جهازها بعد إتمام الخلع أو الطلاق على الإبراء في حالة الطلاق والذي يحرمهن من حقوقهن في جهاز المنزل.
