كشف الفنان حلمي عبد الباقي عضو مجلس إدارة نقابة المهن الموسيقية عن انتقاده للفنانة روبي على صفحته عبر "فيسبوك" وقال" إنه شاهد لها فيديو من إحدى حفلاتها أرسله إليه موزع موسيقي لا يمُت للمزيكا بصلة".
وقال "عبد الباقي" في تصريحات لبرنامج "نص الكلام" مع الإعلامية راغدة شلهوب "لقيت الفيديو مفيش فيه حاجة صح في المزيكا خالص روبي فنانة لها جمهورها وممثلة هايلة وانتقادي لها كان رأي شخصي وحكمت على صوتها ليس بصفتحي حاكم ولكن بصفتي واحد بيفهم شوية في المزيكا ".
وتابع "لقيت نفسي بكتب كده على صفحتي على الفيسبوك ولم أمسح الفيديو" وسألته راغدة شلهوب "انت بتسألها مين اللي إداكي الكارنيه.. مش النقابة؟" فرد عليها " مجلس غير المجلس الحالي ومش بكلم اني أسحب منها الكارنيه و لا أشكك في قدرات الناس اللي قبلي هو مجرد تساؤل".
وأضاف "لو غنت وحش هسحب منها الكارنيه لكن ماعنديش سلطة اسحب منها الكارنيه، لو حد غني قدامي في اللجنة ولقيت صوته مش حلو بقول، تخش لجنة تاني وتغني ".
وبسؤاله عن أنها لو تقدمت للجنة بنفس ظروفها وشكلها حاليا هتديلها الكارنيه ولا لأ، فأجاب "مش هديلها الكارنيه".