شاركت الفنانة آيتن عامر جمهورها، في حسابها الرسمي على موقع "إنستجرام"، صورًا تجمعها بوالدها باستخدام تقنية الذكاء الاصطناعي (AI)، التي أصبحت من أبرز ترندات مواقع التواصل الاجتماعي خلال الفترة الأخيرة. أرفقت آيتن الصور برسالة مؤثرة إلى والدها الراحل، قالت فيها: "وحشتني أوي أوي أوي وحقيقي محتاجالك، الدنيا مش حلوة يا بابا ولا الناس كمان، كل مرة بتحط في اختبار صعب أو أزمة مفيش حد بيجي في دماغي غيرك، أول واحد بيبقى نفسي أجري عليه وأقوله الحقني بيبقى انت". وأضافت آيتن: "وجودك كان هيفرق أوي، يمكن عمري ما قولت إن غيابك مسببلي أزمة كبيرة ولا قولت اللي جوايا، بس هييجي يوم وأبقى قوية كفاية إني أواجه وجع قلبي وأطلع كل الكلام اللي جوايا. ..زعلانة منك في حاجات ومفتقداك في حاجات أكثر بكتير، ومتاكدة إنك لو كنت موجود كنت هتبقى السند، بس غيابك خلاني أنا السند لنفسي وللي حواليا كمان، لأني فيا منك كتير خصوصًا قوتك وجدعنتك مع الكل".