خلال الساعات الماضية، شارك عدد كبير من رواد مواقع التواصل الاجتماعي في التريند الجديد الذي أشعل الأجواء، وأُطلق عليه تريند "إسلام برجر"، بعد انتشار مجموعة من التغريدات التي تحدثت خلالها فتاة عن خطيبها الذي فوجئت أنه كان متزوجًا ولديه طفل، على الرغم من ارتباطه بها لمدة 9 سنوات، ليقوم هو بتذكيرها بموقف جمعهما خلال تناولهما "البرجر".
وقدم رواد السوشيال ميديا مئات التعليقات الطريفة على القصة من خلال استعمال "الكوميكس" و"الميمز" الساخرة، والتي أثارت الضحاكت وتم تداولها على نطاق واسع.
يذكر أن تريند "إسلام برجر"، بدأ حينما نشرت الفتاة تغريدة عبر حسابها علي تويتر قالت فيها: "إحساس وحش أوي، إن بعد قراءة فاتحتي بيوم؛ أكتشف إنه متجوز ومخلف، والمفروض إني أعرف الشخص ده بقالي 9سنين، موضوع مضحك أوي، حقيقي أنا مصدومة صدمة عمري".
وأضافت الفتاة: "مش مستوعبة إن الناس بتعرف تكدب بالشكل ده، مش مستوعبة إني بعد كل السنين دي طلعت عايشة في كدبة، الحمدلله علي كل شيء".
وأضافت أيضًا: "وكان من سنين يقول: أصل مش بفتح الفيسبوك خالص، طلع كل ده علشان متجوز، ومش عايز إني أكشفه، يلا الحمدلله علي إني كشفته علي حقيقته، صدمة شديدة أوي، بس ربنا مش بيعمل حاجة وحشة".
رد خطيبها الذي يدعي إسلام رضا المعروف بـ"إسلام برجر"، فقال: " كله سمع من وجهة نظرها وأنا في الأخر حياتي بايظة من ساعة ما عرفتها، لو سمحت محدش ليه دعوة بحياتي، اخرجي منها، ابعدي عني، بتجيبي سيرتي ليه، كفاية اللي حصل وبيحصل من تحت راسك، ابعدي عني".
واستكمل حديثه قائلًا: "أنا عندي بيتي وعيلتي، معنديش أغلي منهم، أنا بكرهك ابعدي عني، وعند الله تجتمع الخصوم، كفاية بقي مش عايز أعرفك تاني، ابعدي".
وردت عليه الفتاة قائلة: " هل كنت معرفني أنك متجوز؟ ".
ليرد عليها: " افتكري يوم ما كنا بناكل برجر قولتلك إيه أخر مرة".
فقالت الفتاة "قالي إنه هيتجوز بنت عمه عشان مشاكل الورث، هو كده مقتنع إنه قالي إنه متجوز ومخلف باين".
