تداول رواد موقع التواصل الاجتماعى "فيس بوك"، صورًا لوصية كتبها أحد المجندين يعبر فيها عن حبه لأهله ويطالبهم بالاستعداد لتلقي نبأ استشهاده.
وفي الوصية التي كتبها المجند بخط يده ، أوضح أنه على استعداد تام لنيل الشهادة في سبيل الحفاظ على سلامة الوطن، كما طلب من أسرته ألا تجزع في حالة استشهاده، كما وعد والده بأن يستشهد كرجل يدافع عن أرضه.
وأثارت الصورة إعجاب الجميع الذين أشادوا بقوة وشجاعة جنود الجيش المصري، واستعدادهم للتضحية بحياتهم من أجل الوطن.
و يشهد التاريخ العسكرى أن الجيش المصرى ليس له مثيل على مستوى جيوش العالم، فهو الجيش الذى لا يعرف المستحيل، ولا يوجد فى قاموسه كلمة استسلام، ولا يعرف معنى التراخي، بل هو جيش وطنى يحمي مقدرات شعبه ويحافظ بكل إمكاناته على الامن القومى للدولة، يمتلك عقيدة وروحا وعزيمة، لا تتغير عبر السنين فهى واحدة تتناقلها الأجيال من رجال القوات المسلحة، لا يعرف بديلا عن النصر، لا يعتدى على أحد، ولكن إذا حاولت أي قوة فى العالم أن تقترب من حدود الدولة أو تمثل تهديدا لها فإن الرد سيكون قاسيا جدا ولا تحمد عقباه.
وكتب المجند الوصية قائلا :-"بسم الله الرحمن الرحيم "وَلَا تَحْسَبَنَّ الَّذِينَ قُتِلُوا فِي سَبِيلِ اللَّهِ أَمْوَاتًا بَلْ أَحْيَاءٌ عِنْدَ رَبِّهِمْ يُرْزَقُونَ". أهل بيتي الأحباب نتمني اليوم ده لو لقيتوا الورقة دي وأنا مكنتش موجود تتقبلوا الأمر وتفهموا الآية اللي فوق دي كويس جدا " أبي الجميل أمي الغالية، مصطفى أخويا وعمود الخرسانة اللي سندي، سها الجميلة نبض قلبي وبهجة البيت وحبة الفاكهة اللي في حياتي.. القدر يا جماعة كان ليه رأي حاسم، في الفتره اللي هعيشها وسطكم يمكن مكانتش فترة طويلة بس كانت فترة فيها ذكريات هتفضل عايشة معاكم أنا متاكد من ده.. المهم إني عايز أقولكم كلمتين.. إوعى تزعل يابا والله العظيم إبنك راجل وبأكدلك قبل ما اليوم ده ييجي إني مت وأنا واقف أو اتغدرت زي كتير من إخواتي، يوم الخير يا ماما عايزك تتقبلي لقب أم الشهيد بقلب متقبل بقضاء الله. وصيتي ليك يا مصطفى، هي سها أختك كانت ظرف السن اللي بينك وبينها وبتحترمك جدا علشان كده أنت مش فاهمها زي ما أنا فاهمها علشان بتتعامل معايا أنا بطبعتيها عايزك تقرب منها أختك طيبة جدا، علشان كده عايزك تتدخل في حياتها في حدود المعقول بحب وحذر زي ما كنت بعمل. بوصيكم تهونوا علي قلوبكم لأن مش هتكونوا أول ولا آخر بيت يخرج منه شهيد.. السلام عليكم ورحمة الله وبركاته.
وعلق رواد مواقع التواصل الاجتماعي" فيس بوك " قالا :- "ربنا يحافظ عليهم. وينصرهم يا رب. ويرجعوا لأهلهم بألف سلام وأمان"،" وعلق آخر :-" ربنا معاكم ويحفظكم وترجعكوا لأهلكم سالمين غانمين يا رب العالمين"،" ربنا يحفظك ويحميك وترجع بالسلامة لأهل بيتك أنت وابني وأبناء المسلمين"،" اللهم بحق قدرتك أن تكتبها لي يا الله وأنا على الحق وفي سبيلك من غير رياء"،" آه فعلا أخته كانت منزلاها في جروب بنات. وكانت عاوزة توصله لأن ماينفعش فون. بس في بنت دخلتلها. عشان تخليها تتواصل مع أخوها. وربنا يحفظه ويحفظ كل أخواتنا ويحميهم لنفسهم وأهلهم ويخلصوا خدمتهم على خير يارب"،" فترة وهتعدى بعون الله وربنا يحفظك أنتا واللي زيك". "يا فارج الهم وكاشف الغم يا مجيب دعوة المضطرين اللهم اكشف الهم والغم عن مصر وشعبها. اللهم انصر جيش مصر، واحفظ جيش مصر، وأعز جيش مصر، واقذف الرعب في قلب من يعادي جيش مصر. رب انصرهم على من ظلمهم اللهم وحد صفوفهم ورقق قلوبهم اللهم ارفق بهم وأبنائهم".
