كتب – أحمد قنديل

قالت الإعلامية "سالي شاهين"، "الهاتف المحمول لم يصبح وسيلة اتصال فقط، وبقى في إيدينا على طول سواء وإحنا بناكل وإحنا خارجين وإحنا بنتمشى وقبل مانام أول مابنصحي، وبقت أهم حاجة بالنسبالنا درجة شحن الموبايل ولو مش مشحون تبقى كارثة".

وروت "شاهين" خلال تصريحات تليفزيونية على برنامجها "ده كلام" المذاع عبر فضائية "dmc"، موقف طريف تعرضت له بسبب الهاتف المحمول، مضيفة: "أخر مرة كنت خارجة أنا وصحابي ولسه هنفتح الموبايلات، لقيت واحدة منهم بتقول بقولكم أيه ياجماعة إحنا خارجين مع بعض مش خارجين مع الموبايلات اللي هتمسك الموبايل هي اللي هتدفع الحساب، وأنا قولت برافو عليها، وفجأة لقيتها وطت عليا وبتقولي: (بيني وبينك موبايلي فاصل)".

وتابعت: "السوشيال ميديا أثرت على حياتنا أوي، دلوقتي مبقاش العقاب للأطفال إن إحنا نقولهم عيب ياولد هحرمك من المصروف، وبقينا نقول عيب ياولد هسحب منك الموبايل".