تنظر محكمة جنايات القاهرة المنعقدة في العباسية، اليوم الثلاثاء، محاكمة 3 متهمين باغتصاب فتاة في القضية المعروفة إعلاميا بـ« فتاة الساحل».
وأنكر المتهم الرئيسي "أمير.م"، 29 سنة، خلال التحقيقات، مواقعة أنثى هي “ي .ح ” بغير رضاها وذلك عقب تخديرها واستغلال غيابها عن الوعي، ووجهت النيابة للمتهم تهم انتهاك حرمة الحياة الخاصة للمجني عليها بأن التقطت مقطعا مصورا لها في مكان خاص - منزل بالساحل الشمالي- يوثق مواقعتها دون رضاها ليرد علي الاتهام بـ "محصلش".
وأضاف المتهم "اللي أنا أعرفه عن الموضوع ده أنا كنت اتعرفت على ع ف في آخر سنة 2012 وأول سنة 2013 وبقينا أصحاب أنا وهو ومجموعة لغاية تقريبا أول 2015 الفترة دي كنا بنخرج على طول مع بعض ونروح حفلات، وكانت حياتنا فيها حرية جامدة وأنا أفتكر 3 مرات شاركت في حفلات جنس جماعي المرتين الأولى والثانية في بيته مرة كان معايا هو ومرة ثانية كان معايا واحد اسمه “م. ب” وفاكر إن البنت في المرة دي مكنتش مصرية والمرة الثالثة كنت في الساحل تقريبا في مراسي وكان معايا في المرة دي واحد تاني ومش فاكر البنت كانت مين وفي المرات دي كلها كانت الحفلة بـ"مزاج البنات" أكيد".
وتابع: "أنا روحت الحفلة اللي بيتكلموا عليها على السوشيال ميديا، وكان معايا واحدة صاحبتي وبعد ما خلصنا حفلة تي دانس كان في كذا حفلة أفتكر بارتي في وأنا طلعت واحدة منها كانت معمولة في سويت ومش فاكر الدور ولا الرقم ولا باسم مين، وقابلت في السويت ده مجموعة من الولاد والبنات مش أقل من 30 واحد أنا فاكر منهم “ع .ح” و"ع .ف" و"خ. م"، وبعد كده بدأ يجيني تهديدات من أرقام برة مصر بيطالبوني بحذف الفيديو.