علق الفنان محمود المهدي على عودته لزوجته منه عرفة مرة أخرى، بعدما أعلنا مؤخرًا انفصالهما، معبرًا عن سعادته بتلك العودة.

وكتب محمود المهدي، عبر خاصية "استوري" بحسابه على موقع "إنستجرام"، نص: "الحمدلله، دايما ثقتي في ربنا كبيرة، وشكرا لكل واحد اتمني لينا الخير، ربنا يرده لك أضعاف، والعكس لكل واحد شمت، ربنا يرده لك اضعاف الأضعاف".

وسبقته زوجته الفنانة الشابة منه عرفة، في إعلان عودتهما عبر خاصية "إستوري" علي "إنستجرام"، حيث كتبت: "من أصعب اللحظات اللي ممكن تعدي علي أي ست، لحظة الانفصال وخراب البيت، الطلاق بيهتز له عرش الرحمن، لكن انتم يمكن عشان بتسمعوا عن بيوت بتتخرب كل دقيقة، فبقي أبغض الحلال عليها، رهان بتعملوه مع بعض علي إننا مش هنكمل، أو مادة خام للشماتة فينا".

وتابعت: "خراب البيت عمره ما كان حاجة سهلة علي الست او علي الراجل أو علي أهالينا، في عز ضعفي وحزني وكسرتي، اللي ربنا ما يكتبه علي أي ست، ما رحمتونيش، ولا قدرتوا إني في موقف لا احسد عليه، وشمتانين فينا، قد إيه انتم ناس ما تعرفوش ربنا، ولا في قلوبكم رحمة".