انتقدت الفنانة رانيا فريد شوقي، تعليقات المشاهدين بأن الفنانين لا يشعرون بالمجتمع وأوضاعه.

وقالت رانيا فريد شوقي خلال لقائها مع برنامج "من مصر"، الذي يعرض قناة "CBC"، والذي يقدمه الإعلامي عمرو خليل: "الفنان بيحس بالمجتمع وبابا كان بينزل الشارع ويسمع الناس، وبيحس إن عنده رسالة تجاه المجتمع وشعبه، وأنا كمان زيه بحب أسمع وأشارك الناس".

وأضافت: "عايزة أقول للشاب اللي بيحلم بالهجرة للخارج انت جربت هنا؟ إحنا معظمنا بنشتكي إن الناس مش عايزة تشتغل، جرب الأول في بلدك، كافح واتعب قبل ما تفكر تسافر، الغربة ليها تمن وكفاية تبقى وسط عيلتك".

وعن دورها بمسلسل زي القمر"، ضمن حدوته "أم العيال"، والتي جسدت فيها شخصية "صباح"، أوضحت المخرجة شيرين عادل هي من اختارتها لتجسيد الدور، مضيفة: "حسيت إن شخصية صباح موجوده في الحياة كتير، وكنت على طول بسألها ليه تعملي في نفسك وعيالك كدا؟، ده مفيش أغلى من الضنا، ليه مدتيش فرصة لابنك يعيش حياة فيها حب ".