كشفت السيدة انتصار السيسي كواليس حياة الرئيس كزوج، وأب، عندما كانت ضيفة في حلقة خاصة مع الإعلامية إسعاد يونس، وتحدثت السيدة انتصار عن بداية حياتها مع الرئيس السيسي، وأول لقاء جمعهما، بالإضافة إلى أسعد وأحزن اللحظات التي عاشها كل منهما.

وتنشر بوابة «دار الهلال»، في يوم ميلاد الرئيس عبد الفتاح السيسي، كواليس حياته كأب وزوج، وفقًا لما ذكرته قرينته.

حياة الرئيس عبد الفتاح السيسي

قالت السيدة انتصار السيسي، إن شخصية الرئيس لم تتغير منذ أول يوم في زواجهما وحتى الآن، موضحًة أنها هو من علمها الطهي، إذ أنها لم تكن تجيد الطبخ لكنه علمها وساعدها بصبر شديد، وقالت: "مكنتش بعرف أعمل أكل هو اللي علمني، وبقى يقف معايا ويساعدني بمنتهى طولة البال، لما وقف معايا بقيت أعرف أدخل المطبخ بقى وأعمل أكل".

وذكرت السيدة انتصار واصفة زوجها: "إنسان حنين جدًا على أسرته كلها، مش أسرته الصغيرة بس، بل أسرته الكبيرة كمان، اللي هى والدته وإخواته والناس كلها شايفة الصفة دي فيه، وأكتر وقت بيحبه لما بيشوف سعادة الناس، وقد إيه الناس مبسوطة من الأعمال اللي بتحصل دي، وهل جالتهم الخدمة لحد عندهم.. وإنه يوصل الخدمات للناس متوسطة الحال ويحقق المعادلة الصعبة".

وتابعت: "بشكر ربنا عليه، وإن شغله الشاغل هو بلده بيحبها جدا وبيحب ناسها وبيسعد لما تبقى الأمور ماشية كويس في كل حاجة ودايما يقول لسه معملتش حاجة وبتمني ربنا يوفقه ويعمل كل اللي بيتمناه وربنا يوفقه ويحقق كل أمنياته لبلدنا".

وأضافت: "الرئيس بيحب بلده جدا، كان بيفكر في كل سلبية من سلبيات المجتمع، وإحنا مخطوبين، وبنخرج كان بيتكلم عن الإسكان ونفسه يحصل نقلة لدرجة وبحمد ربنا إنه حقق حلمه، ولما بسمع الناس بتتكلم عن الكباري والطرق الجديدة بشعر بسعادة جدا وهم يقولون إن "الطريق أخذ 5 دقايق".

لقاء الرئيس السيسي بقرينته

أوضحت السيدة انتصار، أنها ارتبطت بالرئيس السيسي في أثناء فترة الكلية، ومن ثم جاء الزواج بعد تخرجهما من الكلية: "كان فيه ترحيب كبير في البداية بالارتباط والخطوبة لحد ما اتخرجنا واتجوزنا". 

واستكملت: "مكنش فيه شهر عسل، عشان مكنش فيه وقت إحنا اتجوزنا الخميس نزل الشغل الحد، هو بيحب شغله جدًا، وله أسبقية في تفكيره على المرحلة اللي هيدخل عليه، وده من صغره، ويعشق أن يدخل في كافة التفاصيل، ويحب المتابعة والتواصل".

الرئيس الأب

لدى الرئيس السيسي ثلاثة أبناء وابنة واحدة: مصطفى ومحمود وحـسن، وآية.

وأشارت السيدة انتصار إلى أن الرئيس كان دائمًا يسعى لأن تعتمد ابنته آية على نفسها في منزل زوجها، قائلًا: "المراحل الأولى دي بتعدي، بس البنت لازم تكون مسؤولة في بيت زوجها، لازم الزوجة تكون على قد مستوى الحدث، وتجهز نفسها عشان جوزها يلاقيها متألقة، مش لازم جوزها يلاقيها بهدوم شغل البيت".