توقف استكمال إذاعة حلقة الإعلامية بسمة وهبة، الليلة من برنامج "٩٠ دقيقة"، المذاع على شاشة قناة المحور، لإصابتها بوعكة صحية أثناء الفاصل وتم نقلها إلى المستشفي . 

وكانت وهبة، نعت وفاة الفنانة سهير البابلي، وقالت عنها: "الموت خطف الحبايب، أولهم العظيمة الرائدة سيدة الفن المصري سهير البابلي".

ونعت الإعلامية أسماء مصطفى، قائلة: "خسارة للوسط الإعلامي كله، أنا مش قادرة أنطقها، وأعلن وفاة الصديقة والزميلة والحبيبة أسماء مصطفى، اللي زي ما كانت بتحارب على الشاشة لتؤدي رسالتها الإعلامية، كانت بتحارب برضه كمان وحش السرطان".

" أسماء كانت متماسكة وعندها أمل كبير، وطلبت مني مياه زمزم، ومنذ 3 أيام قررت إني أرتب لسفري عشان أشوف أولادي في السعودية وكنت هعمل عمرة، أنا هروح أعمل عمرة بس مش هدعي لك تقومي بالسلامة، هدعي لك في الحرم إن ربنا يرحمك، شيء صعب جدا. كنا متوقعين إن ربنا مش هيسترد دلوقتي.. مش هدعي لك بس، أنا هعملك عمرة وهجيب لك مياه زمزم وهزورك في قبرك".