انفردت فضائية "إكسترا نيوز" بمحادثات صوتية جديدة لشبكة النصب المتعاونة مع الإخوانى الهارب عبد الله الشريف، من خلال مكالمات جديدة بين حنفي عبد الرازق، المتهم بتسجيل مكالمة هاتفية مفبركة لإحدى مؤسسات الدولة، والذي ادعى أنه مستشار في رئاسة الجمهورية، وبين المتهمة ميرفت محمد علي أحمد، بعد اكتشاف الأخيرة بأنه ليس اللواء فاروق القاضي.
كانت المكالمة بين المتهمين كالآتي:
حنفي: انتي تربية سكاشن ومحاضرات.
ميرفت: أه.
حنفي: القانون بتاعك قالك مقعدتيش وحللتى الحلقة وشوفتى بعد كده دخل على مين وخرب في مين؟
ميرفت: أنا مشوفتش غير جزء من الحلقة وقفلت ومعجبنيش الكلام وقفلت ودي كل الحكاية ولا حللت ولا شوفت الكومنتات ولا حاجة.
حنفي: كل اللى نازل إخوان زيهم.. ممكن تسيبيني أقوم أصلى الفجر ومتتصليش على التليفونات دي ولما تحبي تكلميني كلمينى على الايمو أو على الواتس لحد ما تهدى الأمور وعاوزك تهدي اللعب شوية.
ميرفت: أنا أساسا أقسم بالله انا مبتغلش في اى حاجة غير شغلي بتاع المكتب وأنا كنت قايلالك الكلام ده وموضوع المقاولات ده فعلا اشتغلت فيه شوية لقيته كله كذب وكله مش مظبوط شيلت إيدي لانى لقيت الوضع مش كويس.
حنفي: الكام أسبوع اللى إحنا قاعدناهم بتوع الملفات اللى دخلوا وبعتو الناس النهاردة علشان يخلصوا وفيه ناس جايبة ورقها ناقص وشركات جايبة ورق مزور ومدخلاه مبتدورش على الناس دي ليه؟.. أنت بتدور على الناس الغلابة اللى بتتكلم وبتففضض بكلمتين.
ميرفت: أنت كنت مغير اسمك كان اسمك محمود وبقيت فاروق القاضي طيب كنت قولى غيري اسمك.
حنفي: طيب اقولك حاجة لما تكتبي بياناتك على النت لازم تكتبي بياناتك الحقيقية.
ميرفت: على الفيس بوك؟
حنفي: ناس كاتبة بياناتها كاملة بيقولك قبل ما تناسب حاسب، لو واحد مثلا بيكتب أنا فلان الفلاني وأمى فلانة وعيلتي فلانة ملهومش الكلام ده.. انتى ما اخدتيش بالك انه بيقول الكلام اللى في قلب المكالمة.
حنفي: يا ماما المكالمة كلها عندي ساعة وربع ..هو عادها كلها.. لو ظهرت مكالمات تانية هلملك كل اللى في الشارع واتحبس معاهم.
ميرفت: هو بيقول فيه مكالمات تانية؟.
حنفي: بقولك لو هو جايب لو عنده ضربة مغير المكالمة اللى راحتله من واحد من بتوع النحاس، اصل بتوع النحاس اللى ضربونا الضربة دي، حازم وعصام والدكتور حنا وبطرس وزعبلة والدكتور حازم وبدر اللى بتاعهم.، طيب ما يروحوا يجيبوا الراجل ابن الكلب اللى بيقعد على القهاوي.
ميرفت: ده اللى هو سامي الجبالي؟.
حنفي: مش قاعد قدامك وقال خمر..اهدي ربنا يهديكي نامي بقى.
ميرفت: ربنا موجود.
حنفي: المهم بقا مبشتغلش في حاجة لانى بكتب الملفات حاجة عادية جدا..اى حد يجيب عقد جواز عرفي.
ميرفت: هي دى الحقيقة انا مبكتبش غير عقود مبعملش حاجة تانية ولا بدخل الهيئة ولا بتعامل مع الهيئة ولا ليا علاقة بيهم ولا الكلام ده كله.
حنفي: هسألك سؤال أنا بتعامل مع الهيئة؟.
ميرفت: لا انا شايفاك بتكلم ناس والناس دي هي اللى بتتعامل وتروح اللى انا شايفاه ان الناس دى هي اللى بتروح مش انت.
حنفي: هو انا بروح اقابل حد؟ انا بكلم واحد زي زيه بيجيبلى الملفات وانا باخدها اروح اوديها وبيكتب العقود ولسه مكتبناش ولا عقد.
ميرفت: لا مكتبناش ولا عقد هو احنا لحقنا ؟ ده انت لسه مكلمنى من مفيش من أسبوع او 10 أيام مكملناش يعنى ملحقناش نكتب عقود او نكتب حاجة.
النصاب: خليه يتكلم على اللواء فاروق القاضي ، خليها تطبل على دماغ امه.
ميرفت: ما هو مفيش اللواء فاروق القاضي اعتقد كده.
حنفي: بلاش ذكاء.
ميرفت: لا انا بقولك مفيش اللواء فاروق القاضي لكن فيه ميرفت محمد علي.
حنفي: بقولك بلاش دي نصيحة لوجه الله.