ابتسامتها البريئة أنسته همومه.. خالد عليش يفتقد ابنته (صور)

شارك الفنان خالد عليش، جمهوره صورة جديدة له، برفقة ابنته، حيث تذكر أحد مواقفها معه وهي لا تزال صغيرة، داعيا الله أن يجمعه به قريبًا.

وكتب "عليش" على موقع التواصل الاجتماعي "إنستجرام": "في موقف حصل في اخر ٢٠١٥ عمري ما انساه.. كنت راكن عربيتي في مكان و كنت داخل مستشفي بخلص فيها ورق في مصر الجديدة خرجت لقيت الونش شال العربية وداها مكان تاني ودمر الكبوت من اودام و حك العربية من معظم الاماكن".

وتابع خالد عليش: "كنت راجع البيت مش طايق نفسي حرفيا بس اول ما فتحت باب الشقة ميما بصلتي وهي صغنونة كده وابتسمتلي اول ابتسامة مباشرة ليا ف ضحكتلها انا كمان و نسيت كل اللي مضايقني.. اكتر حاجة مفتقدها هي الابتسامة البريئة ديه و حضنها الدافي بصوابعها الصغنونة قبل النوم.. ربنا يجمعني بيكي علي خير دايما و يوفقني في اي قرار يخصك".

وفي وقت سابق، أصدر الفنان خالد عليش بيانا على صفحته الشخصية بموقع التواصل الاجتماعي "فيسبوك" بعد أنباء كانت قد انتشرت مؤخرا عن احتجازه وزوجته في جنوب وأفريقيا خلال  قضائهما شهر العسل، وذلك بسبب وقف الطيران تحسباً لانتشار المتحور الجديد لفيروس كورونا.

وطمأن الجمهور عليه وعلى زوجته وأعلن عن وصوله مطار القاهرة بسلام وتطبيقه للإجراءات الإحترازية.

وقال عليش: "الزملاء من الصحفيين والإعلاميين انا مقدر جدا لجهودكم انكم توصلوا لمعلومة في إطار إنكوا بتطمنو علينا بس الواقع هو إن إحنا الحمد لله كويسين .. حقيقي ماكنش في داعي للعناوين الرنانة والمصطلحات الغريبة شهر العسل قلب غم.. شهر العسل باظ ".

وأضاف، لحد الوقت اللي بكتب فيه ده احنا بخير والاجازة بتاعتنا زي ما هي خلصناها قبل الميعاد بيوم بس والبرنامج السياحي عملناه كله و راجعنا الحمدلله و عملنا تحليل في مطار القاهرة قبل الدخول تطبيقا للاجراءات الوقائية الجديدة اسمه ID NOW و طلع سلبي الحمدلله و هنستكمل الاجراءات الاحترازية اللي تم ابلاغنا بيها من الجهات المختصة، المصريين يقدرو يروحو و يجوا جنوب أفريقيا عادي مع إجراءات و تعليمات لأن مصر الطيران لغت رحلة واحدة بس اللي بتيجي و تروح  جوهانسبرج و دي مكانتش طيارتنا اساسا". 

وأضاف: "ليه عايزين نكد وغم بالعافية.. احنا بننزل ستوريز وبنضحك ومبسوطين ليه مصممين ان احنا في نكد، الستوريز والصور اللي بنزلها مش عشان تاخدوها تعملو عليها خبر "شاهد خالد عليش بيشرب عصير برتقال "ما ذنب القارئ ومدى الإفادة !! آخر خبر نزل من شوية " اول مصري مصاب بالسلالة الجديدة علي طيارة خالد عليش "، اولا انا مالي بتحط اسمي في الخبر ليه ؟ ثانيا معلوماتك غلط دي احتمال تكون الطيارة اللي قبلي بس الاكيد إنها مش طيارتي".

وتابع: " طيارتي فيها ١٢ راكب فقط جايين من جنوب أفريقيا كلهم طلعو سلبي، اخيرا نتمني السلامة للجميع واتباع الاجراءات المتبعة من الجهات المعنية".