أبدى الفنان تامر فرج، عن استيائه من من كثرة الأعمال السينمائية التى وصفها بـ«غير الناضجة»، لافتًا إلى أنه أعجب بفلمين شاهدهما مؤخرًا، وهما "فرق خبرة، وبرا المنهج".

ونشر صور البوسترات الخاصة بالفيلمين، عبر حسابه على موقع التواصل الاجتماعي "إنستجرام"، ووصف فيلم "فرق خبرة" بأنه أفضل الأفلام التي شاهدها خلال الخمس سنوات الماضية.

وقال "فرج": "فى وسط الأفلام اللى مش مستويه والغير مهضومة اللى الواحد بيشوفها فى الفتره الأخيرة واللى بتصيب الواحد بتلبك معوى فنى وإحباط من مستوى السينما ومستقبلها.. ربنا كرمني بفيلمين تحس إن ربنا بعتهوملى عشان ينوروا الدنيا شوية ويقنعوا الواحد أن فى أمل لسه بدل ما يعتزل.. فيلم فرق خبرة".

وتابع تامر فرج: "شوفته الأول.. ومن اول دقيقه قلت مين اللى كاتب الفيلم ده؟؟؟ ومفيش خمس دقايق و قلت ايه ده؟؟ مين مخرج الفيلم ده؟؟ لأن من اول الفيلم هتحس ان فى كاتب كوميدى جدا عارف ازاى يعمل كوميديا موقف مش استخفاف.. ومعاه مخرج متمكن جدا دمه خفيف عارف ازاى يضحك بالكاميرا و يوضح كوميديا المؤلف.. وفى الأخر اكتشفت ان المخرج هو المؤلف و هو صديقى شريف نجيب".

وأضاف: "اللى بعتذرله إنى دخلت الفيلم وأنا مش عارف المعلومه دى وكنت رايح لثقتى فى شغل المنتجه شاهيناز العقاد ولأنه بطولة حبيبى و صاحبى محمد الشرنوبى.. فيلم عبقريته فى بساطته كوميدى وهادف وقلت ده أحسن فيلم ممكن اكون شفته فى الخمس سنين اللى فاتوا".

واستكمل تامر فرج عن فيلم "برا المنهج":  قلت يمكن فيلم فرق خبره كان ضربة حظ والنوعية دى من إنتاج فيلم متكامل مش هتتكرر تانى، فتفاجئنى المنتجه شاهيناز العقاد تانى بفيلم متكامل الجوانب مره تانيه وبرضه المخرج هو المؤلف وهو المخرج عمرو سلامه اللى كنت دايما بشوف ان افلامه مختلفه لكن مش كل مره بتبقى حلوه.. لكن المره دى عمرو عامل فعلا فيلم رائع ومراهن على طفل صغير هو البطل وهو الجميل عمر شريف مع العملاق ماجد الكدوانى اللى بياخدك جد و هزار و يعيطك و يضحكك غسيل و مكوه".

واختتم تعليقه: "فيلمين فعلا يستحقوا المشاهدة.. رغم إن شهادتى مجروحة لصداقتى الوثيقه والقديمه بأختى العزيزه المنتجه شاهيناز العقاد لكن فعلا أنا استمتعت بالفيلمين وفعلا أنا فخور بيكى".

وشارك الفنان تامر فرج، مؤخرًا في مسلسل "الآنسة فرح ج3" بطولة أسماء أبو اليزيد، رانيا يوسف، أحمد مجدي، عارفة عبدالرسول، محمد الكيلاني، تامر فرج، هبة عبدالعزيز، مريم الخشت، مهدي السيد، محمد العمروسي،  جيلان علاء، هبة داغر، و سيناريو وحوارمحمود عزت، عمرو مدحت، وإخراج وائل فرج، وإنتاج إس للانتاج الفني والإعلامي.