نشر النجم الكوميدي أحمد حلمي، عبر حسابه الشخصي بموقع تبادل الصور الشهير "إنستجرام" صورة تجمعه بنجله الأوسط سليم، والذي لم تظهر له صورا كثيرة على “السوشيال ميديا”.
وعلق حلمي على الصورة قائلا: "لما كنت طفل كان كل حاجه في حياتي، جبل كبير ضخم كله قوة، وعلى قد قوته كانت حنيته، عمري ما أنسى كف إيده الدافئ وهو حاضن إيديا الصغيرة، نيني عينه اللي بيضحك لما بيبص في وشي، كنت بحس بالأمان لأنه مركز معايا وواخد باله مني".
وأضاف :"لا شغل شاغله عني ولا اهتمام كان ناقصني، حفظني طريق مدرستي زي ماحفظني أمشي في أول خطوتي من الكنبه للترابيزه وهو بيشجعني ومحاوطني بدرعاته، إنه أبي، أبويا، والدي، بابا.. اللي زرعه أبويا من اهتمام وتواصل فرق معايا كتير، أو بمعنى أدق خلاني أب أعرف أتعامل مع أطفالي، شكرا يا أبي شكر دائم ومستمر مدي الحياه.. شكر أتمنى إني استحقه وأسمعه من ابني وبنتي لما يكبروا فأشكرك شكر تاني".
ووجه الشكر لكل أب، قائلا: "شكرا لكل أب بمناسبة عيد الأب.. وطبعا طبعا طبعا شكرا لكل ست لأنها هي اللي ولدت وربت كل طفلة بقت أم وكل طفل بقي أب.. يونيسف الشهر ده بتحتفل بكل أب في مصر وفي العالم كله، نزّل صورتك مع ولادك أو صورتك مع والدك مع موقف فاكره أثر في تربية ولادك أو في تربيتك وأنت صغير وأعمل تاج ليونيسف على هاشتاج (السنين الأولى بتفرق) علشان تكونوا جزء من الحملة دي".