أعلن المؤلف عمرو محمود ياسين، عن انتهاء الموسم الرابع من مسلسل «نصيبي وقسمتك»، وأعرب عن سعادته  لتقديم حكايات المسلسل، وأشاد بفريق، وصناع المسلسل وقدم لهم الشكر والتقدير.

ونشر ياسين، عبر حسابه الرسمي على موقع التواصل الاجتماعي "فيس بوك" صورًا لبوستر الحكايات الثمانية التي قدمها من خلال المسلسل في موسمه الرابع وكتب معلقًا :"بأمانة شديدة إحنا كان معانا وحوش مش كروو، بجميع الأقسام من إنتاج، إخراج، تصوير، وإضاءة مونتاج صوت ومكساج، ديكور، ملابس، مكياج، بوفيه سواقين، وطبعا كمان الممثلين بكل  حكاية..بصراحه كانوا بييجوا بنعذبهم والضحايا كتير.

وتابع عمرو محمود ياسين: بس الناس لازم تعرف أن كل الحكايات اتكتبت ع الهوا، اتصورت ع الهوا، اتمنتجت ع الهوا، في سباق رهيب مع الزمن لم أره من قبل، شيء محدش يقدر يتخيله، بجد اللي حصل في المسلسل ده محدش يتخيله؛ لأننا اضطرينا نشتغل في توقيت معين واخدنا الريسك..فانا أسف لو في أي تقصير، من أي حد فينا.

وأعرب عن سعادته، وأضاف: "أنا عايز أشكر كل  الناس فرد فرد، لأن كلهم كانوا أبطال، وبيشتغلوا ب 30 ساعه وأكتر، بس أحب أشير للدايرة القريبة مني في الشغلانه اللي هما كانوا أكبر عون لي، وكنت بتعامل معاهم  طول الوقت.. وهم المنتج المحترم وصديقي أحمد عبد العاطي، شريك الرحله اللي بنشيل الهم سوا..المخرج المنفذ أحمد عمر، اللي بينيمني ويصحيني ع مزاجه و يرسم لي الطريق اعمل ايه و معملش ايه..المشرف العام. ع الإنتاج ماجد جاب الله المنتج الفني أيمن شوقي، ومدير إدارة الإنتاج وليد الحسيني اللي دايما بيطمني أنه كله تمام حتى لو مش كله تمام بس بيعالجني نفسيا..ومدير الإنتاج  أيمن عباس وجميع أفراد طاقم الإنتاج..مهندس الديكور رمسيس سليم، ومهندس محمد المغازي اللي فجاة بطلب منهم تغييرأوضة نوم لقسم شرطة عادي، وباقي أفراد قسم الديكور الرائعين، مسنقين مناظر هاني سلطان، وسامي حميدة.

 واستكمل" ياسين ": وستايلست حسن مصطفى اللي بياخد البريف لاست مينت وبيسد عادي وجميع مساعديه، مصمم صوت ومكساج العالمي م. علي السعيد، مهندس الصوت محمد زكريا ومساعديه..واسيست محمود..المونتيره المتمكنه جدا منه جاب الله.و ايه عبدالعزيز ومصطفى عماد، ويوسف عادل اللي صمم هذه الأفيشات الرائعة، بروموهات وليد أبوالعنين، وبوبا دياب ميكاب ارتيست وجميع مساعديها، وكوافير إسماعيل الاسكندراني إكسسوار هاني جمال بوست برودكشن  خليفه السيد.

وطاقم الإخراج الرائع (الوحوش) بجد وحوش، مساعد  أول مصطفي الجمال، و ضياء سيف، ومي وائل و مأمون  شديد ،وإسلام ناصر، بجد ليهم الف تحية، عمود العمل دول..وجميع من عمل بالإخراج، مدير التصوير المتميز، هيثم  ناصر والمخضرم عماد عثمان،  وحسن زيدان و محمد شديد وجميع طاقم التصوير، وكاستنج دايركتور محمد حجاج  طبعا الأسماء دي مش بذكرها مش عشان هي الأهم  بقدر ما إن دول الناس اللي كنت  بتعامل معاهم طول الوقت بشكل مباشر..

 واختتم "ياسين": وأخيرا وليس آخرا المخرجين  الرائعين، الأستاذ عصام نصار، والأستاذ محمد الخبيري  والأستاذ رامي رزق الله، اللي قدروا يقدموا حكايات جميلة في ظروف صعبه جدًا وسكريبت مش خلصان  لكن كانوا في ضهري وقدموا شغل رائع..كل التحية  لهم والتقدير  وألف شكر للجمهور الرائع  ع الدعم والمساندة".