طرح المطرب أحمد حليم أحدث أغانيه التي تحمل عنوان «وتلمح » عبر موقع "يوتيوب" وذلك على طريقة الفيديو كليب.
كليب «وتلمح»، من كلمات محمود فاروق، ألحان مدين، توزيع وميكس وماستر يحيي يوسف، مدير إنتاج تيتو الشيخ، منتج فنى حسين أمين، مدير تصوير مصطفى أحمد وإخراج إسلام حمدان، من إنتاج غاليديا للإنتاج الفني.
كلمات أغنية «وتلمح»:
وتلمح فى الطريق فرصه تقول هي .وتلمح فى الوشوش ضحكه تقول لي ّ ! وبين هى وبين ليا تبات راضي، وصافي النية وبالك من الهموم فاضي و ملغية
وتحدفك الحياة طوبه تفاديها..تتكعبل فى ميت حفرة تعديها..محال تيأس من الدنيا ..ماتستسلمش لو ثانيه..هتيجى الفرصه ويكون لك مكان فيها..وياما دموع مداريها كتير، حكايات مخبيها
وياما هموم في وسط اليوم قصاد الباب بترميها..ويوم مغلوب ويوم غالب..ولا بتشيل ولا تعاتب..ولا بتلوم ولا حابب دا اللي في الناس مكفيها..
بيجوا كتير عليك وتعدي وتسامح بتفتح في النهاردة وتقفل امبارح ..بتيجي كتير على نفسك ومش لاحق تاخد نفسك، ومن قلبك تقول الناس لبعضيها
على قد اللقا على قد ما تفارق ولا عمر اللى باعك كان معاك فارق..بتتعب ياما وتعانى تقع لكن تقوم تاني، جبل احزان وسبحانه عالم بيها"
وكان أحمد حليم ، طرح مع بداية هذا العام سينجل غنائى جديد يحمل إسم «عاش يا جامد»، والذى يستعد لتصويره قريبًا ، وهو من كلمات عمرو المصري وألحان عمرو الشاذلي وتوزيع طارق عبد الجابر.
ووجه حليم، الشكر إلى جمهوره مؤكدًا : على حرصه المستمر بأن يقدم لهم على فترات متقاربة كل ما هو جديد غنائياً وموسيقياً، سواء في صورة ألبومات أو أغاني منفردة .
يذكر أن آخر أعمال المطرب أحمد حليم، أغنية «الناظر» وهى من كلمات مصطفى حسن ، ألحان سامح كريم ، توزيع أحمد عبد السلام وإخراج غاليديا.
