احتفلت الفنانة مريم الخشت، والفنانة ريهام أيمن بيوم المرأة العالمي، مؤكدين على موهبة المرأة، وذكائها، وأشارت الخشت أن المرأة المصرية استطاعت أن تكسر التقاليد على حد تعبيرها.

ونشرت مريم الخشت عبر صفحتها الرسمية بموقع تبادل الصور والفيديوهات "إنستجرام" صورة لها من داخل أحد المعابد في الأقصر، وعلقت عليها قائلة: "بما إن النهاردة هو يوم المرأة العالمي.. وبما إني كنت بحضر فعاليات مهرجان الأقصر.. فقولت أستغل الفرصة دي عشان أبروز مقولة الستات بفطرتها قوية.. وده من قبل السوشيال ميديا والتلفزيون وأي حاجة ممكن الستات دلوقتي تتكلم من خلالها عشان تعبر عن رأيها أو توصل صوتها".

وأضافت مريم الخشت: "والملكة حتشبسوت اللي بنت المعبد ده.. هي أكتر واحدة بتثبت المقولة دي لأنها كسرت التقاليد اللي كانت موجودة في مصر القديمة إن الست ماتنفعش تبقى ملكة وكانت وصية على عرش مصر.. والحاكم الفعلي للبلد وقتها.. وهي الملكة اللي أخدت لقب فرعون".

وتابعت مريم الخشت: "قوة الستات مظهرتش لما السوشيال ميديا ظهرت زي ما ناس كتير بتقول.. والست المصرية قوية من سنين مش هعرف أعدها لأنهم كتير أوي بصراحة بس خليني أقول كل ست في الدنيا سواء مصرية أو مش مصرية كل سنة وأنتي قوية.. دُمتم حلوين".

ومن جانبها الفنانة ريهام أيمن قالت: "يوم سعيد للمرأة للمرأة القوية والذكية والموهوبة والرائعة ببساطة.. لا تنس أبدًا أنك محبوب ومقدر".

 

 

 

 

View this post on Instagram

 

 

 

 

 

 

 

 

 

 

 

A post shared by Reham Ayman (@rehamayman)

 

 

 

 

View this post on Instagram

 

 

 

 

 

 

 

 

 

 

 

A post shared by Mariam El Khosht (@mariam.el.khosht)