كشف الفنان حسام داغر، عن تحسن حالته الصحية قليلًا، وذلك بعد دخوله المستشفى، أمس الثلاثاء؛ لارتفاع مفاجيء في ضغط الدم، وتدهور حالته كثيرًا، موجهًا الشكر لأصدقائه الذين ساندوه في محنته.
ونشر «داغر» عبر صفحته الرسمية بموقع التواصل الاجتماعي «فيسبوك» قائلًا: «الحمدلله رجعت من المستشفى.. رجعت البيت بقيت أحسن الحمدلله.. طلبوا مني متابعة الضغط وأقيسه كذا يوم لتحديد السبب.. بشكر كل صحابي اللي جم المستشفى اطمنوا عليا عامر وحمزة العيلي ووحيد وإبراهيم نور وأمنية وأمير الحديدي وعبد الوهاب وأختي سها وريهام».
وأضاف: «وكل اللي قلقتهم إخواتي محمد ونهى وأحمد ودكتور أحمد سمير وعلي، وكل اللي اتصلوا بيا وردوا عليه.. وكل اللي كتبولي واطمنوا عليا ودعولي.. دعواتكم هي اللي خلتني أحسن أنا بس موضوع الضغط ده جديد عليا وشكلي كده دخلت نادي بتاعه على رأي سما إبراهيم صديقتي.. بشكرك وبشكر كل اللي اطمنوا عليا وكتبولي، لو أقدر هشكر واحد واحد بس دكتور طلب مني الراحة يومين والابتعاد عن الموبايل والتوتر وتنظيم الأكل واشرب مايه كتير.. لأني فعلًا كنت مهمل فيها جدًا.. خلوا بالكم من نفسكم ويا رب متشوفوش وحش أبدًا فيكم أو في حبايبكم».