عرضت قناة «free tv» الموسيقية كليب «غدر الصحاب» لنجم آراب أيدول محمد حسن، حصريًا على شاشتها، وكتب كلمات الأغنية الشاعر خالد تاج الدين، من لحن وليد سعد، وتوزيع أحمد إبراهيم، وإنتاج عمرو فاروق، وإخراج محمد عبدالجواد.

وجاءت كلمات الأغنية كالتالي:-

إحنا بنتغير ليه يا دنيا.. والحق بقى يزعل ليه

وكمان لينا عين لأ وبنسأل.. ربنا مش بيبارك ليه

غدر الصحاب ع الكيف أصلي.. والأصلي ليه مبقاش أصلي

ويا دنيا ليه صاحب عمري.. تملى في اللقمة باصصلي

الدنيا رايحة ومش راجعة.. تايهين خلاص بين 100 بدعة

وبقينا ناكل بعضينا.. الناس زمان كانت جدعة

الناس خلاص بقى فيها إنَّ.. وزماننا ليه بقى يفتنَّا

قال واللي بيتاجروا بروحنا.. بقوا عشمانين يدخلوا جنة

يا دنيا ليه فيكى وفيكي.. وبتدى ليه للى راميكي

واللى بيخلص من قلبه.. عايش وهاين ليه عليكي

وسط الصحاب عايش غربة.. وسنينى ليه مُرة وصعبة

م الليلة أنا هبقى ف حالي.. طب خدت إيه أنا م الصحبة

هقولها كلمة وبصراحة.. فى الدنيا ديا مفيش راحة

مكتوب يومين هنقضّيهم.. وسلام سلام كده بالراحة

وتعاون نجم آراب آيدول في ألبومه مع مجموعة من الشعراء والملحنين منهم، وليد سعد، وخالد تاج الدين، وأيمن بهجت قمر، وبهاء الدين محمد، وأمير طعيمة، ومدين، وأحمد عبدالسلام، ومحمد رحيم، وبلال سرور، ومحمد آياتي، ومحمد حمزة، وكريم عبد الوهاب، وعمرو يحيى، وتامر عاشور.