عرضت الحلقة 27 من مسلسل "الاختيار 3" تسجيل حقيقي للمعزول مرسي والإرهابي خيرت الشاطر.
وقال مرسي: "إخواننا مثلا في حزب النور خدوا أكتر من 8 ملايين صوت، أيوة يعني إحنا وصلنا قريب من 15 مليون، وهما خدوا 8، فإذا اقتنعوا بواحد زي الشيخ حازم مثلا هيدخلوه إعادة".
وقال خيرت الشاطر: "بس أنا بدأت حوار طويل معاهم في الحكاية دي برضو دلوقتي".
وقاطعه مرسي قائلا: "يعني هيزيد جزء"، ليرد الشاطر: "لا هي المشكلة مش في حازم، المشكلة في إن راسه متركبة إنه لازم يكون إسلامي، يعني إقناعهم بغير حازم سهل، بس المهم إن انت تديله بديل إسلامي، مش إن أنت ماتدلوش.. يعني بلاش حازم".
ليرد مرسي: "مافيش بديل إسلامي مناسب"، ليرد الشاطر: خد بالك هي طريقة تفكيرهم.. هما ماعندهمش أفق واسع".
وقال مرسي: "قاض مزور أنا طاعن عليه على الانتخابات، أنا مقدم عليه طعن من 2005، ضمن 22 واحد المفروض يحالوا للتحقيق والصلاحية، أنا بقول لهم لسوء حظهم أنا عارفهم واحد واحد بالاسم، خربتوا البلد أخرتونا".
وأضاف: "من الحاجات الظريفة إن ييجي واحد من النظام القديم على الولد في المركز عنده التحويلة بتاعة الكهربا يروح منزل السكينة بتاعة خط واحد ويروح لمدة 6 ساعات، الولد ده حد مديله 20 جنيه ويقول له روح روّح.. ومن يتحدثون في الإعلام ما أيسر ردود الفعل الغاضبة، أنا عارف ازاي قوي مين بيقول إيه إزاي علشان إيه".
وقال الشاطر: "هي الإشكالية أن المزاج العام للناخب المصري هو مزاج إسلامي فالتحدي الحقيقي أننا لو وافقنا ودي أزمة عندنا يعني أحنا هنا بنسوق لفكرة لا أحنا فعلًا في ورطة كلنا لان الشخصية دي قدام الشخصيات الإسلامية المطروحة فرص نجاحها مش عالية هي دي الإشكالية.. المزاج العام كدا العوا سهل ياريت العوا.. حازم هو اللي هينجح كل الاستطلاعات الموجودة دلوقتي نمرة واحد".
وقدّمت ملحمة «الاختيار 3: القرار» في الحلقة 26، رسائل مهمة وعرضت مجموعة من الأحداث الفارقة التي عاصرها الشعب المصري، منها أخطر 96 ساعة في تاريخ مصر، خلال فترة حكم جماعة الإخوان الإرهابية.
وتضمنت أبرز رسائل الحلقة 26 من مسلسل «الاختيار 3»، ما يلي:
الجماعة الإرهابية تهدد أعضاء حركة تمرد
الجماعة الإرهابية تعتدي على شباب حركة تمرد
أبناء الشعب المصري يلقنون عناصر الإخوان درسًا قاسيًا
القوات المسلحة تصدر بيانها الأول قبل ثورة 30 يونيو
القوات المسلحة تتدخل لطمئنة أبناء الشعب المصري
الجماعة الإرهابية تحاول توريط الجيش المصري في حرب سوريا
القوات المسلحة ترفض تدخل الجيش المصري في حرب سوريا
خيرت الشاطر يكشف عن مخطط الجماعة للتصدي لمعارضي الإخوان
خيرت الشاطر يهدد بمواجهة الجماعة للجيش المصري
خيرت الشاطر يؤكد أن الجماعة الإرهابية لديها جيشها
خيرت الشاطر يؤكد تورط الجماعة الإرهابية مع تنظيم القاعدة
الفريق عبدالفتاح السيسي ينفعل على خيرت الشاطر
الفريق عبدالفتاح السيسي يؤكد أن الجماعة الإرهابية لن تستطع المساس بأبناء الشعب المصري
الفريق عبدالفتاح السيسي: لو اترفع سلاح في وجه أي مصري الجماعة لن تقم لها قائمة لمدة 50 سنة
الفريق عبدالفتاح السيسي يطالب الجماعة بالاعتذار للشعب المصري عن الإساءة والخسائر الذين تسببوا بها
أبطال «الاختيار 3»
مسلسل «الاختيار 3» بطولة ياسر جلال، أحمد السقا، كريم عبدالعزيز، أحمد عز، خالد الصاوي، أحمد بدير، عبدالعزيز مخيون، منى عبدالغني، أمير المصري، محمود البزاوي، سمر مرسي، إيمان العاصي، آدم الشرقاوي، مجدي فكري، محمد رياض، شريف حافظ، بيومي فؤاد، صبري فواز، شريف خير الله، بجانب مجموعة من ضيوف الشرف، ومن تأليف هاني سرحان، وإخراج بيتر ميمي.