شهدت الحلقة الـ 28 من مسلسل "الاختيار 3: القرار"، لقاء الفريق أول عبدالفتاح السيسي "ياسر جلال"، مع المعزول محمد مرسي "صبري فواز"، وعرض عليه الأول بيان القوات المسلحة قبل إذاعته.

وجاء نص البيان كالتالي: "وتهيب القوات المسلحة بالجميع بأنه إذا لم تتحقق مطالب الشعب خلال المهلة المحددة، فسوف يكون لزامًا عليها استنادًا لمسئوليتها الوطنية والتاريخية واحترامًا لمطالب شعب مصر العزيم أن تعلن خارطة مستقبل وإجراءات تشرف على تنفيذها، وبمشاركة جميع الاتجاهات الوطنية المخلصة".

وقال السيسي: "هو ده نص البيان يا فخامة الرئيس".

ليرد مرسي: "مش قادر أفهم، يعني هل ده تحذير لي أنا".

ليقول السيسي: "لا والله ده طلب رجاء للجميع.. أنهم يحطوا مصلحة البلد فوق كل اعتبار.. لأن القوات المسلحة مش هتسمح أبدًا بحدوث اقتتال داخلي ومش هتسمح كمان يعني يا فندم أن البلد تدخل دائرة العنف وتبقى شبه بلاد تانية، حضرتك عارف كويس أوي إيه اللي حصل لها واللي بيحصل فيها لغاية دلوقتي". 

ليرد مرسي: "خلي بالك برضو يا سيادة الفريق أنه المعارضة دي كلها كلام وبس ملهمش وجود حقيقي على الأرض.. اللي في الشارع دول كلهم مؤيدين".

السيسي: "حجم المظاهرات المعارضة كتير يا فخامة الرئيس".

ليرد مرسي: "لا كبير ولا حاجة يا سيادة الفريق! دول كلهم 120 ألف، هم بس بيزودوهم بالجرافيكس".

السيسي: "فخامة الرئيس أنا ممكن أجيب لحضرتك فيديوهات التصوير الجوي واللي بتبين العدد الحقيقي اللي موجود في الشارع.. الموضوع أكبر بكتير من اللي حضرتك بتقول عليه ده.. صدقني يا فندم.. الحل اللي بنعرضه دلوقتي ده هو أفضل حل ممكن يطرح في الوقت الحالي.. على العموم يا فندم أنا كان لازم أبلغ سيادتك بالبيان قبل ما يتذاع".

وقدّمت ملحمة «الاختيار 3: القرار» في الحلقة 27، رسائل مهمة وعرضت مجموعة من الأحداث الفارقة التي عاصرها الشعب المصري، منها أخطر 96 ساعة في تاريخ مصر، خلال فترة حكم جماعة الإخوان الإرهابية.

وتضمنت أبرز رسائل الحلقة 27 من مسلسل «الاختيار 3»، ما يلي:

أبطال «الاختيار 3»

الفريق عبدالفتاح السيسي يطلب من المعزول محمد مرسي الاعتذار للشعب المصري

الجماعة الإرهابية تعترض على الخطاب الذي قدمته القوات المسلحة للمعزول مرسي

عرض خطاب المعزول محمد مرسي قبل انطلاق ثورة 30 يونيو

خطاب المعزول محمد مرسي يشعل غضب الشارع المصري

جماعة الإخوان الإرهابية تحشد عناصرها قبل 30 يونيو لتأييد المعزول محمد مرسي

جماعة الإخوان الإرهابية تتخذ من ميدان رابعة العدوية نقطة تمركز لعناصرها

الفريق السيسي يجتمع بالمجلس العسكري

الفريق السيسي: الجيش المصري مسؤول عن الوطن

الفريق السيسي: هناك غضب واحتقان بالشارع المصري بسبب فصيل واحد

أبطال «الاختيار 3»

مسلسل «الاختيار 3» بطولة ياسر جلال، أحمد السقا، كريم عبدالعزيز، أحمد عز، خالد الصاوي، أحمد بدير، عبدالعزيز مخيون، منى عبدالغني، أمير المصري، محمود البزاوي، سمر مرسي، إيمان العاصي، آدم الشرقاوي، مجدي فكري، محمد رياض، شريف حافظ، بيومي فؤاد، صبري فواز، شريف خير الله، بجانب مجموعة من ضيوف الشرف، ومن تأليف هاني سرحان، وإخراج بيتر ميمي.