تعبر أغانى العمل عن أصحاب المهن المختلفة فى المجتمع، وقد اهتم بعض الملحنين المصريين بتقديم أغانى تلقى بعض الأضواء على العمل فى المهن المختلفة، ومن أهم هؤلاء الملحنين الذين تنبهوا إلى أهمية التعبير عن أصحاب المهن المختلفة هو فنان الشعب سيد درويش(1892-1923)0والجدير بالذكر أن سيد درويش نفسه اضطر للعمل فى عدة مهن بسيطة فى مطلع شبابه بعدما توفى والده وهو فى الرابعة عشرة من عمره، فاضطر كرجل أن يعمل ليعول أسرته، وهكذا أتيح له أن يعمل فى مهن بسيطة مختلفة وأن يتعرف عن قرب عن مشاكل أصحابها، فجاء تعبيره الموسيقى عنها واعيا وصادقا، ولهذا فقد لقيت أغانى العمل التى لحنها نجاحا واضحا لصدق ماجاء فيها0
وفيما يلى نقدم أولا نماذجا من أغانى العمل التى لحنها فنان الشعب سيد درويش وعبرت بصدق عن أحوال المجتمع المصرى فى عصره.
1- طقطوقة (السقايين): من المسرحية الغنائية (ولو) لسيد درويش والتى عرضتها فرقة نجيب الريحانى عام 1918،كلمات بديع خيرى وتلحين سيد درويش وغناء نجيب الريحانى والمجموعة، ويقول مطلعها :
يهون الله 00 يعوض الله ع السقايين دول شقيانين
متعفرين م الكوبانية
خواجاتها جونا حايطفشونا ليه بيرازونا دى صنعة أبونا
ماتعبرونا يا خلايق
عملوها فينا طيب رضينا مايلزقونا ويشغلونا
وينفعونا يااخوانا
---------------------------------
2- طقطوقة (الموظفين ) من المسرحية الغنائية(كله من دا) لسيد درويش، والتى عرضتها فرقة نجيب الريحانى عام 1918،كلمات بديع خيرى، وتلحين وغناء سيد درويش، ويقول مطلعها :
هزالهلال ياسيد كراماتك لأجل نعيد
يكفى اللى حصل 00 كام يوم ووصل 00 بقى زرع بصل
هديت واهو راق الحال ورجعنا للأشغال
دا الموظف منا مش وش خناق ولا شومة
لما يحمر عينه ولا يقوم له قومة
حد الله ما بينى وبينك غير حب الوطن يا حكومة
عشرين يوم راحو علينا ياريتهم ياخدو عنينا
بس المقصود يبقى لنا وجود والدنيا تعود
--------------------------
والجدير بالذكر أن هذه الطقطوقة قد قدمت بعد أن قامت الحكومة المصرية بخصم عشرين يوم من موظفيها لاشتراكهم فى مظاهرات عام 1919 بإيحاء من السلطات البريطانية التى كانت تحتل مصر فى ذلك الوقت (1882 -1956)0
3- طقطوقة (الشيالين) من المسرحية الغنائية(قولوله) التى عرضتها فرقة نجيب الريحانى 1919، كلمات بديع خيرى وتلحين وغناء سيد درويش والمجموعة، ويقول مطلعها :
شدالحزام على وسطك غيره ما يفيدك
لابد عن يوم برضه يعدلها سيدك
إن كان شيل الحمول على ظهرك يكيدك
أهون عليك ياحر من مدة إيدك
ماتياللا بينا إنت وياه ونستعان ع الشقى بالله
واهو اللى فى القسمة طلناه واللى مافيش إنشاللا ماجاه
مادام بتقلى عيش وغموس يهمك إيه تفضل موحوس
ماتحط راسك بين الروس لاتقول لى خيار ولا فاقوس
------------------------------------
4- طقطوقة (السياس) من المسرحية الغنائية(إش)لسيد درويش، والتى قدمتها فرقة نجيب الريحانى عام 1919، كلمات بديع خيرى وتلحين وغناء سيد درويش ويقول مطلعها :
اوعى يمينك اوعى شمالك اوعى الأزمة توقف حالك
اوعى وشك اوعى ظهرك اوعى فوقك اوعى تحتك
اوعى لجيبك م الحرامية اوعى لروحك م الحانوتية
اوعى الكوكايين يلحس عقلك اوعى سبق الخيل لاي طسك
اوعى م الروماتيزم فى رجلك
اوعى الجوزة تطير عقلك
يمينك شمالك 00 اوعى
----------------------------------------
5 – طقطوقة (بياعين القلل القناوى)من المسرحية الغنائية(قولوله)لسيد درويش، والتى قدمتها فرقة نجيب الريحانى عام 1919، كلمات بديع خيرى وتلحين سيد درويش وغناء سيد مصطفى والمجموعة، ويقول مطلعها :
مليحة جوى الجلل الجناوى رخيصة جوى الجلل الجناوى
جرب حدانا خد جلتين
خسارة جرشك وحياة ولادك عاللى ماهواش من طين بلادك
جول لى حاتلجى زى دى وين
الدنيا ملها يازعبلاوى شجلبو حالها وين المداوى
شوف البلاوى دا البنك ناوى يرفع دعاوى علشان يتاوى
فى فلوسنا واحنا متجندلين
إن كنت جلبك على ابن جنسك رجى صنايعه ينفع بحسك
إيدك فى إيده بلا انسجام
موش بزيادانا بجينا عرة وكل حاجة من شغل بره
شوف الخواجة جلع عنينا وشوفنا غيرنا جلس علينا
يادى الفضيحه يادى السخام
--------------------------------
6- طقطوقة (الفلاحة العاملة) من المسرحية الغنائية(رن) لسيد درويش، والتى قدمتها فرقة نجيب الريحانى عام 1919، كلمات بديع خيرى، وتلحين سيد درويش وغناء سيد درويش وحياة صبرى والمجموعة، ويقول مطلعها :
يا حلاوة أم إسماعيل فى وسط عيالها
زى النجفة عم بتلعلط فى جمالها
تزرع وتجلع فى الغيط ويا راجلها
وتعاود ع البيت لعجينها وغسيلها
تحلب جاموسيتها حلاوة كتاكيتها
ع الملوخية ياختى عليها وعلى بطتها
---------------------------------
7- طقطوقة (بائعة الورد)من المسرحية الغنائية (إش)التى قدمتها فرقة نجيب الريحانى عام 1919 كلمات بديع خيرى، تلحين وغناء سيد درويش، ويقول مطلعها :
ياورد على فل وياسمين الله عليك يا تمر حنة
ياللى عاوج لى طربوشك فوق الجبين على سنجة عشرة
ما تحط لك حبة ياسمين فى عروة الجاكتة رخرة
قرب هنا تعا عندنا خد وردة يا بيه خدى فلة يا هانم
ياورد يا فل وياسمين الله عليك يا تمرحنة
-------------------------------
8- طقطوقة: (البنات الفلاحات) من المسرحية الغنائية (قولوله) لسيد درويش، التى قدمتها فرقة نجيب الريحانى عام 1919، كلمات بديع خيرى، وتلحين سيد درويش، وغناء فتحية أحمد، ويقول مطلعها :
طلعت يا محلا نورها الشمس الشموسة
ياللابينا نملا ونحلب لبن الجاموسة
جاعد ع الساجية يا خلى أسمر وحليوة
عاوج الطاجية وجال لى غنى لى غنيوة
--------------------------
9- طقطوقة(المراكبية)من المسرحية الغنائية(قولوله) التى قدمتها فرقة نجيب الريحانى عام 1919، كلمات بديع خيرى، وتلحين سيد درويش وغناء المجموعة، ويقول مطلعها :
دا البحر بيضحك والله للخفة وهى نازلة
تدلع تملا الجلل
واشمعنا امال يتخلج ع المراكبى وتغرج
مركبة دى وجعته زحل
يخلى الموج يشخلعها تبص لفوج على جلوعها
تلجاها ترجص تركى وهندى بطننا تمغص وان أكون بدى
ياعزيز عينى أروح بلدى
----------------------------
وفى التاسع من ينايرعام 1960 قدم عبدالحليم حافظ والكورال فى مدينة أسوان غنائية (حكاية شعب) كلمات أحمد شفيق كامل وتلحين كمال الطويل ،وذلك بمناسبة وضع حجر الأساس لبناء السد العالى، ويقول مطلعها :
قلنا حانبنى وآدى إحنا بنينا السد العالى
يا استعمار بنيناه بإيدينا السد العالى
من أموالنا بإيد عمالنا هى الكلمة وآدى إحنا بنينا
------------------------------
وفى نفس العام قدمت أم كلثوم قصيدة(قصة السد العالى) شعر عزيز أباظة، وتلحين رياض السنباطى، ويقول مطلعها :
حولنا مجرى النيل ياسلام على ده تحويل
حايكون تحويل لحياتنا مش بس لنهر النيل
مين كان بيصدق مين النهرالجارى سنين
يتحسبوا بالملايين نحول له طريقه يمين
وشمال زى ماعايزين ونعدل فيه تعديل
إحنا إرادة وعمال وعزيمة بتحمى جبال
ونقيم غيرهم أعمال ونبنى فى كل مجال
والسد ماعدش خيال ده حقيقة ومالها مثال
--------------------------
وفى نفس العام 1960 قدم الموسيقار محمد عبدالوهاب نشيد(السد العالى)كلمات حسين السيد وغناه مع الكورال،
ويقول مطلعه :
ساعة الجد ساعة الجد دقت ياعمال الغد
آخر باب للظلم انهد واحنا وراه ملايين تنعد
يحموا النيل ويقيموا السد 00 قيموا السد
--------------------------
وفى عام 1966 قدم عبدالحليم حافظ والكورال غنائية(صورة) كلمات صلاح جاهين وتلحين كمال الطويل وفى جزء منها يقول :
وبعيد عن العين لكن 00 فى الصورة أوضح ناس
ناس تحت حر الجبال 00 والقلب كله حماس
بتفجر الرمل أنهار من دهب أسود وناس بتكسيه
بخضرة وكل لون له ناس
وأساتذة وعلما ومعامل ودكاترة من الشعب العامل
ورجال سكر على مكاتبها تخدم بالروحح لما تعامل
---------------------------
وفى عام 1967 قدم محمد عبدالوهاب نشيد (الغد الكبير)كلمات الأخوين رحبانى، وغناء عبدالوهاب والمجموعة، ويقول مطلعه :
سواعد من بلادى تحقق المستحيلا
وهمة من بلادى تبنى مصيرا وجيلا
-------------------------
وفى نفس العام 1967 قدمت أم كلثوم نشيد(حق بلادك)كلمات عبدالوهاب محمد، وتلحين رياض السنباطى
ويقول مطلعه :
قوم بإيمان وبروح وضمير دوس على كل الصعب وسير
حق بلادك وحده عليك عايز منك سعى كتير
دوس على كل الصعب وسير
--------------------------------
وبالإضافة إلى الأغانى فهناك عدد من الصور الغنائية التى تمجد العمل، والتى قدمتها الإذاعة المصرية نذكرها فيما يلى :
1- الصورة الغنائية (المكن) تأليف صلاح جاهين وتلحين سيد مكاوى، وغناء كل من (صلاح جاهين- محمد رشدى –سيد مكاوى – شفيق جلال – فكرى محمد – إبراهيم حمودة- كورال )0التوزيع الموسيقى على فراج ،وإخراج فايز حلاوة.
2- الصورة الغنائية (مصانع ومزارع) كلمات محمد على أحمد وتلحين على فراج، وغناء كل من(محمد العزبى- فجر-عبداللطيف التلبانى – جلال فكرى- المجموعة)0
3- الصورة الغنائية(فى ضل السد) كلمات سيد حجاب، وتلحين فؤاد حلمى، غناء(محمد رشدى – عائشة حسن – أبوالحسن عبدالغفار- المجموعة)0
4- الصورة الغنائية(الأيدى الشغالة)كلمات أحمد أبوالوفا، وتلحين حلمى أمين، وغناء كل من (طارق فؤاد- محمد حمودة – العربى سلطان – فتحية منصور- المجموعة ) إخراج صبرى خالد.
5- الصورة الغنائية(سوق بلدنا) صلاح جاهين، وتلحين أحمد صدقى، وغناء كل من(كارم محمود- محمد قنديل- شفيق جلال- صلاح عبدالحميد- محمود مرسى- سيد شطا – أجفان- سعاد الرشيدى )0
6- الصورة الغنائية (مسعود الحطاب) تأليف إسماعيل جاد، وتلحين عزت الجاهلى، إخراج محمد توفيق0
7- الصورة الغنائية(مكسب حلال)تأليف محمود إسماعيل جاد، تلحين عبدالحليم على، غناء كل من(سيد إسماعيل – شفيق جلال- سعاد –المجموعة) إخراج صلاح بيومى.
8- الصورة الغنائية (الراعى الأسمر) تأليف عبدالفتاح مصطفى، وتلحين محمود الشريف، إخراج محمد محمود شعبان.
9- الصورة الغنائية (بياع الخردوات) تأليف عبد العزيز سلام، وتلحين سيد مكاوى، وغناء كل من (محمود شكوكو – سعاد مكاوى )0
وهكذا عزيزى القارئ ترى أن أغانى العمل قد حظيت باهتمام عدد كبير من الفنانين شعراء وملحنين ومطربين ومطربات ومخرجين، لما لها من أهمية فى حياتنا اليومية.