جلست أمام محكمة الاسره بالنزهة وآهاتها تسبق دموعها "تهانى " وجدنا دموعها تتحجر فى عيونها والحزن يشوب وجهها اقتربنا منها لنسألها عن سبب وجودها فى محكمة الاسره بعد تردد وفى نبره يشوبها الندم والحصره تقول " أنا متجوزه من سبع سنين ربنا مارزقنيش بأولاد و العيب مني حاولنا كتير لكن أراده ربنا فوق كل شي من شهر كل اهل جوزي قالوله اتجوز عليها بس جوزي مش بيسال ف كلامهم بس كنت بحس بيه اما يشوف اولاد اخواته المهم في يوم لقيته بيقولي تزعلي مني لو انا اتجوزت عشان اخلف زي ما يكون سكاكين قطعت قلبي بس دموعي نزلت وقلت له ده حقك اي نعم هيبقي صعب عليه بس ماقدرش احرمك انك تكون اب المهم أهله هيجوزوه واحده قريبته وعرفت انه ماشي في إجراءات الجواز بس بصراحه مش محسسني المهم لقيت في يوم امه بتقولي الشقه ده هتيقي واسعه عليكي تعالي اقعدي عندي وابني يتجوز فيها طبعا رفضت واما اتكلمت مع جوزي قالي فيها ايه اما تقعدي مع امي وانا اتجوز هنا استغربت ان ده كلام جوزي الشقه اصلا تمليك باسمي أبويه ربنا يديه الصحه اداني من كذا سنه مبلغ كنت ساكنه في شقه ايجار وبعد كده قلت لجوزي نجيب شقه تمليك للزمن وفعلا جبنا شقه وجوزي قالي ده حقك تكتبيه باسمك وعاوز دلوقتي يتجوز فيها ع فكره انا مدرسه اعدادي ومرتبي احسن من جوزي وبدي دروس وعندي رصيد يعني الحمد لله مستوره
وأضافت تهانى " حاسه بغدر من جوزي اتصلت بوالدى حذرنى من ترك شقتى لكن للاسف جوزي دلوقتي بيقولي قدامك شرطين ياما تقعدي مع امي يامه تقبلي اتجوز معاكي عشان معنديش مكان اتجوز فيه قلت له ولا ده ولا ده من كام يوم لميت له هدومه في شنطة وكل حاجته وبعتهم عند امه وبعت له جواب مع البواب مقفول وكتبت له كلمتين وبس عاوزه أطلق لكنه رفض الطلاق
والان لم اجد أمامى سوى ابواب المحاكم كى أطرقها لكى احصل علي حقى فى الطلاق فقمت برفع دعوى تتطليق للضرر حملت رقم 3244 أسره