انتقد الفنان عبد الرحمن أبوزهرة، مذيعات برنامج "الستات مابيعرفوش يكدبوا"، المذاع على فضائية "CBC"؛ بسبب إصرارهن على الحديث في وقت واحد.

وقال خلال استضافته بالبرنامج، موجها حديثه للمذيعات: «ماتتكلموش انتوا الـ3 في لحظة واحدة، اللي تتكلم أرد عليها، وبعدين آخد اللي بعدها، بعدين تاخدوني في دوكة، وفي الآخر أدوخ، وأقولكم طيب الستات مابيعرفوش يكدبوا».

من جانبها ردت الإعلامية مفيدة شيحا، على «أبوزهرة قائلة: «أنا عايزة أعرف حاجة، خفة الدم دي إحنا بنفتقدها بعدم ظهورك الكثير على الشاشة، وأنت خفيف الدم، وراجل تدخل القلب».

وعلق أبوزهرة على حديث شيحا، قائلا: «هقولك بصراحة، أنا وارث خفة الدم دي عن أمي الله يرحمها، بجد مش هزار، كانت بنت نكتة، وكانت تعلق على كل الأشياء، وهي لا تقرأ ولا تكتب، وكان لديها فلسفة وحكمة لم أرها في حياتي، وربتنا كلنا أنا وإخوتي الله يرحهم على كده».