عبرت الفنانة الشابة رنا سامحة عن سعادتها الغامرة بحفلها الذي أقيم مساء أمس الخميس على المسرح المكشوف بدار الأوبر المصرية.

وقالت رنا سماحة عبر حسابها بموقع الصور الشهير "إنستجرام": "الحمد لله الحفل كامل العدد، وكانت حفلة من أهم وأرقى الحفلات اللي عملتها في حياتي".

ووجهت سماحة الشكر لمحمد عباس قائلة: "في البداية عايزة أشكر صديقي وأخويا الفنان محمد عباس اللي كنت مبسوطه جدًا اننا بنفتتح المهرجان الصيفي لدار الاوبرا مع بعض".

وأضافت سماحة: "عايزه اشكر اهلي اللي دايماً جنبي وسانديني، عايزه اشكر كل اصحابي الفنانين سواء كانوا مطربين او ممثلين او شعراء او مخرجين وحتى من خارج الوسط الفني اللي كانوا حريصين على وجودهم معايا في يوم مهم زي ده".

وتابعت: "شكر خاص جدًا اللجمهور الراقي اللي كانوا موجودين وبشكر الالتراس اللي مشرفيني دايماً والadmins  اللي بيتعبوا جدا معايا بحبكم اوي وزودتوني فخر بيكم وثقه بنفسي وكمان اللي ماقدروش يجوا واهتموا انهم يتابعوا ويشتغلوا على السوشيال ميديا وطلّعونا ترند بتاج الحفلة".

وواصلت سماحة قائلة: " وطبعاً بشكر أعضاء فرقتي الموسيقيه الاساتذه اللي أبدعوا امبارح بقيادة اخويا وصديقي احمد عمرو، وبشكر كل الصحفيين اللي شاركونا سواء كان بوجودهم بالحفل او متابعة الاخبار".

واختتمت سماحة كلامها حيث قالت: "وفِي النهايه بشكر إدارة المهرجان الصيفي بدار الاوبرا المصريه على التنظيم الهائل ده شيء مشرف، وشكراً على الصور الحلوه جداً دي".