روج الفنان رامي صبري، لأحدث أغانيه بعنوان «أنتي جنان»، والمقرر طرحها الخميس المقبل 2022، عبر موقع الفيديوهات «يوتيوب».

ونشر رامي صبري، صورة جديدة له من أحدث ظهور، على حسابه على موقع التواصل الاجتماعي «فيسبوك»، وعلق قائلًا: «حبايبي مساء الفل عليكم.. أنا عارف إن أغلبية الأغاني اللي بنزلها بتبقى غريبة عليكم وعلى اللي متعودين عليه مني.. ولكن أنا شخص بيحب التطوير في الشغل، يعني عمرك ما هتسمع مني أغنية شبه التانية ابدًا.. وده تميزي بين الآخرين». 

وتابع رامي صبري: «أغنية أنتي جنان أغنية جديدة عن المسموع تمامًا من حيث الكلمة واللحن والـmusic بتاعتها، توزيع (جلال الحمداوي)، وده موزع مغربي عربي عالمي.. المقصود أن أنت جاي هنا تسمع حاجه مختلفة وجديدة».

وأضاف: «عمري ما هقدر أسمعك قديم، عايز قديم عندك مغنيين كتير أوي وأحسن مني كمان، ولكن صدقني أنا من الفنانين المتجددين، وليس من الفنانين اللي بينزلوا أغاني جديدة فقط.. أغنية أنتي جنان أغنية جميلة، أغنية صيفية مبهجة، افرحوا واتبسطوا بيها وبلاش انتقادات وخلاص».

وختم رامي صبري: «ملحوظة.. ليه كتبت البوست ده؟.. علشان اللي مش فاهم يفهم مين بيعمل إيه».

وكان رامي صبري طرح برومو أغنية «أنتي جنان»، عبر موقع التواصل الاجتماعي «فيسبوك»، وعلق عليه قائلًا: «أنتي جنان يوم الخميس 7/7 على جميع المنصات والقناة الرسمية على يوتيوب».