كشف الإعلامي خالد الغندور أن نادي الزمالك كشف حيلة طارق حامد لاعب وسط الفريق لعدم تمديد تعاقده مع النادي عن طريق عرض الـ20 مليون جنيه.

وقال الغندور فى برنامجه اللعبة الحلوة عبر إذاعة أون سبورت إف إم، "جمهور الزمالك اتعلق بطارق حامد مش عشان لاعب ممتع لأ عشان لاعب راجل، ودافعوا عنه ووقفوا جنبه فى كل الاتهامات التى وجهت له من الجماهير المنافسة".
 
وأشار: "جمهور الزمالك بيحب اللاعب المهاري زي أشرف بن شرقي، واللاعب الراجل زي طارق حامد ووقفوا في ضهره كتير، ومع ذلك اللاعب رافض يجدد عقده".
 
وأكد: "أمير مرتضى حس إن طارق حامد مش عايز يجدد قام عرض عليه مبلغ خيالي يفوق 20 مليون جنيه، وطارق حامد لم يعطه ردا حاسما، فتيقن أن اللاعب خارج حسابات الزمالك وأعلن ذلك".