تصدر اسم الفنانة شيرين عبد الوهاب، محركات البحث جوجل، خلال ساعات قليلة، وذلك عقب مكالتها الهاتفية مع الإعلامية لميس الحديدي فى برنامج " كلمة الأخيرة "، وحديثها عن تفاصيل خلافها مع زوجها الفنان السابق المطرب حسام حبيب.

بدأت الفنانة شيرين عبد الوهاب حديثها بتقديم الاعتذار لجمهورها على التصريحات الكاذبةالتى ادلت بها ، من باب تجميل صورة حسام حبيب، والحفاظ على استمرار علاقتهما.
وتحدثت شيرين عن تفاصيل أزمتها مع زوجها السابق حسام حبيب وقالت :"أنا ست قاعدة مع بناتي بعد 4 سنين شايفين الويل، قلنا نسافر الساحل الشمالي ونرجع نتبسط، بناتي وأنا نفسيتنا تعبانة ومكناش عايشين تقريباً، وكنت عايشة مع زوج مبيشتغلش تقريباً ومبيخرجش، كنت عايشة 24 ساعة في غرفة نومي، مبعملش حاجة، قاعدة وبس".

وتابعت شيرين:"أنا أخطأت في حق نفسي، وعارفة، بس سعيت إن الست المشهورة تبقى إنسانة متجوزة وتحافظ على بيتها، كنت فاكرة كده، لكن ده مكانش بيت، دي كانت مصيدة فئران"، مشيرة إلى أنها تلقت إخطارًا بـ"سرقة سيارتها التي كتبتها باسم حسام حبيب" أثناء وجودها في الساحل الشمالي.

وأضافت شيرين :"أنا كتبت العربية باسمه كحركة أصول علشان لما لجنة مرور توقفه ويطلع الرخص ميبانش إنه ماشي بعربية مراته، وهو قال لي هاعمل لك توكيل بالبيع علشان يضمن لي حقي، الواد الحقاني اللي مبيقبلش على نفسه حاجة، وفي الآخر طلع كلام في الهوا وتمثيل".

وتستكمل :"بعد كورونا اتدمرت على إيد حسام، وشغلي مكنش بيتعمل، وهو إنسان مودي جدًا، وخسرني كل الناس، أخويا وأختي وأمي وأصحابي وسواقي والشغالة بتاعتي، وحسسني إن الدنيا كلها تآمرت ضدنا وضد علاقتنا، وأنا صدقته مع إن الحقيقة مش كده، ده شخص لازم يتعالج نفسياً لأنه عنده حب امتلاك، عايزني قدامه وخلاص، ولو عملت فرح أو إعلان ناجح ينكد عليّا، وابقى تريند وقاعدة في خناقة في البيت".

وكشفت شيرين عبد الوهاب عن تعرضها للضرب على يد زوجها السابق حسام حبيب:"شوفت خناقات كان فيها ضرب وسحل على الأرض وشتيمة مفيش إنسانة تقبلها على نفسها، ولما اتطلقت حاولنا نرجع تاني، وقلنا ندي فرصة تاني بشرط إني نعيش في بيت تاني ونبعد بناتنا عن المشاكل ونشتغل، وكان البيت عندي كبير،هو كان بيتردد على البيت وكنت أؤهل بناتي إنه لسه في حياتنا، لحد ما الوعود اختفت من تاني والمشاكل وقلة الأدب رجعت من غير سبب".

أوضحت شيرين تفاصيل قص شعرها: "كنا في فندق وكانت فضيحة عامة، كنت زعلانة منه وجالي الفندق وصالحني وبعدين اتخانقنا ووصلت لحالة صعبة وقلت له امشي، قالي لأ نروح للمأذون، قلت له يعني أنا ابقى شيرين عبدالوهاب وقاعدة في فندق ومجرورة علشان اتطلق، طيب ما تروح يا عين أمك تجيب المأذون وتيجي، أو تبقى راجل وتقولي إنتي طالق، فمسكت الماكينة وحلقت شعري".

وتابعت: "أنا كنت فوق وهو كان تحت، هو معرفش يطلع لي فوق فحاول ينزلني تحت، ده تحليلي للي حصل، وأنا آسفة بعد اللي عملته في نفسي وبناتي وجمهوري، وأعتذر لجمهوري اللي كذبت عليه، ولما طلعت غنيت بعد ما حلقت شعري كنت بفكر في بناتي علشان مينهاروش". 

واختتمت: "وبعدين يقولوا لسه بتحبه، حبته عقربة ينام فيها، أنا أحبه ده أنا في حياتي ما اتأذيت من إنسان كده، إنسان قلبه أسود".