أعربت الفنانة مروة ناجي عن سعادتها الكبيرة لإحياء حفلها بدار الأوبرا في الإسكندرية والذي أقيم منذ أيام، ووجهت الشكر لجمهور الإسكندرية.
ونشرت مروة ناجي عبر صفحتها الرسمية بموقع التواصل الاجتماعي "فيسبوك" صور لها من الحفل، وعلقت عليها قائلة: "ألف حمد وألف شكر ليك يارب.. جمهور إسكندرية العظيم خلصت فيكم كل الكلام بجد مش عارفة اقولكم ايه وإلا ايه لكن فعلا متشكرة جداااا من كل قلبي على كل الحب اللي بشوفه منكم في كل حفلة وبتبهروني باستقبالكم الرائع دايما في كل مرة اكثر من اللي قبلها.. بحبك كل الشكر لبيتي الكبير دار الأوبرا المصرية " اللى دايما بفتخر إني جزء منها.. وشكرا جزيلا دكتور خالد داغر على ثقة حضرتك الغالية وأختي ورفيقة النجاح أستاذة هويدا عيد ولكل القائمين على البيت الفني بدار الأوبرا".
وأضافت: "وعشرة العمر صديقي الغالي أستاذ محمد ظريف والمايسترو الكبير دكتور اللي دايما بتشرف بوقوفي جنبه على المسرح إيهاب عبد الحميد وكل زمايلي واخواتي الموسيقين على مجهودهم الجبار معايا.. وأخيرًا ضيوف الشرف اللي فرحت بمشاركتهم وعقبال حفلات ثانية كثير مع بعض إن شاء الله زينب حسن وهايدي موسى.. وآخر شكر لسندي وضهري بعد ربنا صديقي وأخويا وجوزي وكل حاجة ليه في الدنيا محمد البطران فعلا وراء كل ست ناجحة زوج عظيييييم أوي".