بدأت، منذ قليل، الجلسة الثانية للمؤتمر الوطني الرابع للشباب بالإسكندرية، بعرض فيلم تسجيلي يشارك به الفنان عمرو سعد ويحكى فيه للشباب عن مسيرته وكيفية تحقيقه لهدفه.

وقال الفنان عمرو سعد: "في الجامعة.. فكرت إني أمثل وفكرت إزاي أحول حلمي لقرار وحقيقة، وواجهت العديد من العقبات واشتغلت كل حاجة، وكنت بقعد على القهوة مش معايا غير حق كوباية الشاي، وأنا مروح في يوم بصيت على أفيش سينما ريفولي وقولت لأصحابي تاني يوم أنا قررت أبقى ممثل ومكنش معايا إلا 20 جنيه بس ومحدش صدقنى ساعتها واتريقوا عليا".

وأضاف: "مش مهم أنت تبقى الأحسن أو الأفضل بس المهم إنك تحاول، وأي حد كان بيقولي مش هتقدر كنت بقطع علاقتي بيه، وأول مرة صورتي اتحطت على أفيش السينما وقفت عيطت".

وتابع: "لما تكون محدد هدفك ورؤيتك واضحة أكيد هتوصل ولازم توقن إن ربنا هيوقف جنبك، مفيش بلد في العالم نجحت إلا وعندها رؤية".

وأكد الفنان عمرو سعد: "رؤية 2030 هتتوقف علينا إحنا، ولازم كل واحد يحطها قدام عينيه وده قرارنا إن بلدنا تنجح وتحقق رؤيتها".

جاء ذلك خلال الجلسة الثانية بعنوان "رؤية مصر 2030" بحضور الدكتورة هالة السعيد، وزيرة التخطيط، والمهندس طارق قابيل، وزير التجارة والصناعة، والمهندس هشام عرفات، وزير النقل، والمهندس مصطفى مدبولي، وزير الإسكان، والدكتور طارق شوقي، وزير التربية والتعليم، والدكتور أحمد عماد الدين راضي، وزير الصحة، والدكتور عبد المنعم البنّا، وزير الزراعة.