تصدرت لورا عماد زوجه الفنان شريف منير محركات البحث جوجل خلال الساعات الماضية القليلة، وذلك عقب هجومها على ابنتيها فريدة وكاميليا، عبر حسابها الشخصي بـ"الإنستجرام".
وقامت فريدة بالرد على والدتها من خلال تعليق على البوست الذي نشرته الأولى، قائلة: "ليه بتعملي كده؟ ليه بتخلي شكلنا كده قدام الناس؟"، وردت والدتها عليها قائلة: "أنتوا بتموتوني كل يوم.. وانتي عارفة كده كويس.. ربنا يهديكي.. صحيح الزّن على الودان أمر من السحر".
أما عن كاميليا، فأنكرت ما قالته والدتها في رسالة العتاب، حيث علقت في تعليق على منشور والدتها بموقع انستجرام قائلة: "عمرنا ما بعدنا عنك، وغير كده أنا كنت لسه قاعدة معاكي امبارح ومكنتش عارفة إنك بتفكري في كده"، وردت عليها والدتها: "أنتم عارفين كويس أوي إني بشحتكم وبتهربوا مني، ربنا موجود ويهديكم من الزن اللي على ودانكم".
فى سياق متصل، هاجمت لورا عماد ابنتيها فريدة وكاميليا، عبر حسابها الشخصي بمواقع التواصل الاجتماعى تبادل الصور والفيديوهات الانستجرام، قائلة:"رسالة إلى بناتي فريدة وكاميليا.. بما إنكم خلاص قررتوا تبقوا مش في حياتي بعد ما أديتكم عمري وصحتي وحبي واهتمامي وضحيت عشانكم كتير!!، وكل مدارسكم بمدرسينكم بدكاترتكم بأصحابكم بأمهات أصحابكم يشهدوا بأن أنا كنت أم عاملة إزاي!
واختمت لورا عماد: بقولكم مبروك عليكم عيلتكم الجديدة! وهقولكم حاجة واحدة بس! اللي مالوش خير في أمه ملوش خير في حد! بتمنالكم كل خير وصحة، وأن ربنا يهديكم في يوم من الأيام!، بس ربنا موجود وكبير قادر على اللي عمل فيكم كده أنه يرده ليه في يوم من الأيام! مامي لورا يمكن تكونوا نسيتوا اسمي.