قال الإعلامي أسامة كمال، إن كل شيء في حياة المصريين "نص نص"، فعندما تلتقي شخصًا تعرفه في الشارع وتسأله: أخبارك إيه؟، فيكون الرد "نص نص"، وعندما تسأله: عملت شغلك؟ يرد: "نص نص".. وإذا سألت: نمت كويس؟ يرد: "نص نص".

وتابع كمال متسائلًا: "هي إيه حكاية النص نص؟ يعني نص كويس ونص وحش؟ عملت النص وسبت النص؟ طب ليه النص مبقاش كل؟"

وأضاف كمال: "كلمة نص إنسان ممكن ما توجعش الرجل لما تسأله هو انت نص إنسان؟، لكن السؤال اللي يوجعه "هو انت نص راجل"، ساعتها فقط هيرد ويقول دة أنا أبو الرجالة، أيضًا الزوجة عندما تسأل زوجها: هو أنا ست ولا نص ست؟ فيرد "أنتِ ست الستات".

وختم كمال مقدمة برنامجه "مساء dmc" قائلًا: "طب ليه تقبل النص على نفسك في باقي حياتك.. ليه تعمل نص شغلك؟ ليه تعيش نص حياتك؟ ليه تحقق نص طموحك؟ ليه ما تسعاش دايمًا للكل وتكمل طريقك للآخر؟