ردت الممثلة مني فاروق على حالة الجدل بعد تداول فيديو لها نشرته مؤخراً مرتدية فيه فستانا صيفيا، وهاجمها بعض متابعيها معتقدين أنه قميص نوم.
نشرت منى فاروق الفيديو المتداول عبر حسابها الرسمي بموقع التواصل الاجتماعي لنشر الفيديوهات والصور "إنستجرام" قائلة: "انا استغربت جدا وكنت مستاءة الحقيقة من الخبر وعموما دي صورة قولولي معلش دا قميص نوم.. ما كل البنات بتلبس فساتين صيفي عادي يعني انا حرة ليه نزلين فيا جلد.. ربنا بيسامح وبيغفر لعبادة الذنوب أنتو أيه ملايكة يعني".
واستكملت قائلة: " عموما أنا احسن منكم أنا ربنا انعم عليا بستر جديد خدوا بالكم رصيد ستركم هيخلص من كثر الأذى والشر اللي بتعملوا فيا وربنا عقابه شدید".
وهاجمت متابعيها بعباراتها: "ویلا نزلوا خبر عن كلامي دا کمان.. وانتو مزعجين جدا بس أنا ولا فارق معايا كلامكم انا بعامل ربنا مش بعامل البشر.. بجد حسبي الله ونعم الوكيل.. في كل الناس اللي بتكتب عني بالكذب بس هو انا ليه شغلاهم اوي كده ايه القرف دا.. مايروحوا يشوفلهم شغلانه بدل ميقعدوا يكتبوا في عرضي وشرفي.. عيب بقا كفايه قرف".
وعبرت عن غضبها الشديد لطرح الشائعات قائلة: "أنا في الأول والأخر بنت بتتكلموا في عرضي ليه؟.. خافوا ربنا شوية أنتو أيه.. خسارة أقول عليكم بني آدمين والله انتوا عديتوا الشر حسبي والله ونعم الوكيل في كل شرير وحاقد وحاسد.. وشخص بدون شرف بيكتب في عرضي وشرفي وحقي بالباطل الله لا يسامحكم".
